قىستا ءورشيدى: كوروناۆيرۋستىڭ جاڭا ءتۇرى جىلدام تاراپ بارادى

كوروناۆيرۋستىڭ جاڭا ءتۇرى جىلدام تاراپ بارادى. عالىمدار الەمدە اۋىر ىندەتتىڭ تاعى ءبىر تولقىنى باستالۋى مۇمكىن دەپ دابىل قاعۋدا. ويتكەنى كوۆيدتىڭ حەس شتامى گەرمانيادا تىركەلىپ ۇلگەرگەن, دەپ حابارلايدى KYN.KZ اقپارات اگەنتتىگى كتك ارناسىنا سىلتەمە جاساپ.

كوروناۆيرۋستىڭ جاڭا ءتۇرىن ۇلىبريتانيا, اقش, دانيا ەلىنىڭ ازاماتتارىنىڭ دا جۇقتىرعان. امەريكالىق عالىمدار بۇل ۆيرۋستىڭ بۇرىنعىلاردان قاۋىپتىرەك ءارى ول تەز جۇعاتىنىن ايتۋدا. عالىمدار ازاماتتارعا قازىر قولدانىستا بار ۆاكتسينالاردى ەكتىرىپ, الدىن الا قامدانۋعا شاقىرادى. ويتكەنى سىرقاتتىڭ جاڭا ءتۇرى, اسىرەسە قىستا ءورشيدى.

«كوروناۆيرۋستىڭ جاڭا شتامدارى ۇنەمى پايدا بولىپ وتىرادى. ءبىز كوۆيدتىڭ ەشقايدا كەتپەيتىنىن ءتۇسىنۋىمىز كەرەك. ويتكەنى ۆيرۋس مۋتاتسياسىمەن سيپاتتالادى. ياعني ەزگىل-مەزگىل پايدا بولۋى مۇمكىن. وتكەن اپتادا ەلىمىزدە 25 ناۋقاس ستاتسيوناردا مەديتسينالىق كومەككە جۇگىنگەن. ءبىز, بۇرىنعىداي, حالىقتان سىناما الىپ, كوۆيد-19 قوزدىرعىشتارىنىڭ بار-جوعىنا زەرتتەۋ جۇرگىزدىك. قانداي شتامم اينالىمدا ەكەنىن انىقتادىق. ازىرشە حالىقتىڭ الاڭداۋىنا ەش سەبەپ جوق», – دەدى قر دەنساۋلىق ساقتاۋ مينيسترلىگى سانيتاريا-ەپيدەميولوگيانى باقىلاۋ كوميتەتىنىڭ باسقارما باسشىسى روزا قوجاپوۆا.