Jańalyqtar
Qytaı Reseı gazyn Qazaqstan arqyly tasymaldaýdy tym qymbat dep sanaıdy
Foto: depositphotos/63ru78
Qytaı Reseı gazyn Qazaqstan arqyly tasymaldaýdy tym qymbat dep sanaıdy, dep jazdy qandastar.kz
Bul týraly Qytaıdyń Reseıdegi elshisi Chjan Hanhýeı Eýrazııalyq munaı-gaz forýmynyń kýlýarynda jýrnalısterge málimdedi.
«Reseıden Qazaqstan arqyly gaz jetkizý múmkin emes, óıtkeni ol baǵytta tek bir ǵana gaz qubyry bar, ol qazirdiń ózinde tolyq júktelgen. Eger osy marshrýtpen reseılik gazdy jetkizsek, jańa qubyr salýǵa týra keledi, bul óte qymbat. Reseılik tarap máseleni zerttep jatyr, biraq bul shyn máninde múmkin emes», — dedi elshi.
Onyń pikirinshe, eki el úshin baǵasy boıynsha kelisý ońaı bolatyn «Sibir kúshi – 2» jobasyna nazar aýdarǵan jón. Chjan Hanhýeıdiń aıtýynsha, joba boıynsha kelisimge qol jetkizilgen. Qazir gaz qubyry Mońǵolııa aýmaǵymen óte me, álde Reseı shekarasynda qala ma — osy másele qaralýda. 2024 jyldyń sońynda Reseı vıe-premeri Aleksandr Novak Reseıden Qytaıǵa Qazaqstan arqyly gaz qubyryn salý jobasy ázirlenip jatqanyn habarlaǵan bolatyn. Onyń qýaty jylyna 45 mlrd tekshe metrdi quraıdy, onyń 10 mlrd tekshe metri Qazaqstannyń gazdandyrylýyna jumsalady. Al «Sibir kúshi – 2» gaz qubyry Iamal men Batys Sibir aýmaǵynan Qytaıǵa tartylýy tıis. Jobanyń josparly qýaty — jylyna 50 mlrd tekshe metr.
