جاڭالىقتار
قىتايدا قازاقستاننىڭ ساۋدا ورتالىعى اشىلادى
ونىڭ جۇمىسى تاۋار اينالىمىن ارتتىرىپ, ەكونوميكالىق قاتىناستاردى جاڭا دەڭگەيگە كوتەرۋگە باعىتتالادى. بۇل جونىندە ساۋدا جانە ينتەگراتسيا مينيسترلىگى مالىمدەدى. حالىقارالىق ساۋدا ورنىندا وتاندىق كاسىپكەرلەر ءوز ونىمدەرىن تانىستىرىپ يمپورتتاۋشى تاراپقا ۇسىنا الادى. بۇل كومپانيالارعا دەلدالسىز جۇمىس ىستەپ تىكەلەي نارىققا شىعۋعا مۇمكىندىك بەرەدى.
نەگىزىنەن اۋىل شارۋاشىلىعى ونىمدەرىنە باسىمدىق بەرىلەدى. جوبانىڭ رەسمي اشىلۋى نانكين قالاسىندا قىركۇيەك ايىنا جوسپارلانىپ وتىر. كەلەشەكتە قازاق-قىتاي ساۋدا اينالىمىن 100 ملرد اقش دوللارىنا جەتكىزۋ كوزدەلىپ وتىر. باۋىرجان بولعانىسوۆ, قر ساۋدا جانە ينتەگراتسيا مينيسترلىگى ەكسپورتتى ىلگەرىلەتۋ دەپارتامەنتىنىڭ ديرەكتورى: – فۋنكتسياسى ورتالىق ازيا ەلدەرىنىڭ پرودۋكتسيالارى سول ورتالىقتا ساتىلادى جانە باسقا دا پروۆينتسيالارعا سول ورتالىق ارقىلى تاراتىلادى.
قىتاي دەپ قاراماي, ونىڭ ءوزىن ءار پروۆينتسياعا ءبولىپ, ارقايسىمەن تىكەلەي جۇمىس جاساپ جاتىرمىز. جەرگىلىكتى حالىقتى قازاقستان تاۋارلارىمەن تانىستىرۋ ءبىرىنشى كەزەكتە. ەكىنشىدەن ءارى قاراي ەكسپورتقا شىعىپ جاتسا, ول ءتىپتى جاقسى.
