قىتايلىق ەلەكتروندىق كوممەرتسيا الپاۋىتتارى قىزمەتتەرىن بىرىكتىردى

فوتو: اشىق دەرەككوز

قىتايلىق Alibaba جانە JD .com كومپانيالارى وزدەرىنىڭ ينتەرنەت پلاتفورمالارىندا ءبىر-بىرىنە جەتكىزۋ قىزمەتتەرىن ۇسىناتىن بولادى, دەپ  حابارلايدى  Qandastar.kz.

JD .com لوگيستيكالىق قىزمەتتەرى Alibaba-نىڭ Taobao جانە Tmall سايتتارىندا قازان ايىنىڭ ورتاسىنان باستاپ قولجەتىمدى بولادى. JD .com ءوز كەزەگىندە Alibaba بولىمشەسى Cainiao لوگيستيكالىق كومپانياسىنىڭ سالەمدەمەلەردى جەتكىزۋ جانە ساقتاۋ قىزمەتتەرىن بىرىكتىرەدى.

سونداي-اق JD .com پلاتفورماعا Alipay تولەم جۇيەسىن قوسادى. بۇل 11.11 ساۋدا فەستيۆالىنە دەيىن بولادى دەپ كۇتىلۋدە.

ەكى كومپانيانىڭ قىزمەتتەردى بىرىكتىرۋى 27 قىركۇيەكتەن باستالدى. بۇل كۇنى Tencent-كە تيەسىلى WeChat Pay ارقىلى Taobao جانە Tmall قىزمەتتەرىندە تولەم جاساۋ مۇمكىن بولدى. Alibaba جانە Tencent جىلدار بويى باسەكەلەس بولىپ كەلەدى جانە بۇرىن ءوز پلاتفورمالارىندا ءبىر-ءبىرىنىڭ قىزمەتتەرى مەن ونىمدەرىن پايدالانۋعا تىيىم سالعان-دى.