جاڭالىقتار
قىتايلىق حاكەرلەر قازاقستاننىڭ IT-ينفراقۇرىلىمىن 2 جىل بويى باقىلاپ كەلگەن
كيبەرشابۋىلداردى ساراپتاۋ جانە تەرگەۋ ورتالىعى ماماندارىنىڭ مالىمەتىنشە, شابۋىل جاساۋشىلار جەكە تۇلعالاردىڭ حابارلامالارىن, قوڭىراۋلارى مەن قيمىل-ارەكەتتەرىن ۇنەمى باقىلاۋدا ۇستاعان.
«دەرەكتەردى تالداۋ ناتيجەسىندە ۇرلانعان اقپارات كولەمى تەرابايتپەن ولشەنگەنى بەلگىلى بولدى. حاكەرلەر قازاقستان, قىرعىزستان, موڭعوليا, پاكىستان, مالايزيا, نەپال, تۇركيا, ءۇندىستان, ەگيپەت, فرانتسيا, كامبودجا, رۋاندا, نيگەريا, گونكونگ, يندونەزيا, ۆەتنام, ميانما, فيليپپين جانە اۋعانستاننىڭ ينفراقۇرىلىم نىساندارىن باقىلاۋدا ۇستاعان», – دەلىنگەن حابارلامادا.
حاكەرلەر وپەراتوردىڭ جۋرنالدارىن, قوڭىراۋلاردىڭ ۇزاقتىعىن, قۇرىلعىنىڭ IMEI كودتارىن جانە قوڭىراۋ شوتتارىن باقىلاعان. ءتارتىپ ساقشىلارىنا دا شابۋىل جاساعان. سونىمەن قاتار IDNET پەن IDTV پايدالانۋشىلارىنىڭ جانە بجزق مەن «Air Astana» اۋە تاسىمالداۋشىسىنىڭ دەرەكتەرىن جاريالاعان.
