Qytaılyq hakerler Qazaqstannyń IT-ınfraqurylymyn 2 jyl boıy baqylap kelgen

Kıbershabýyldardy saraptaý jáne tergeý ortalyǵy mamandarynyń málimetinshe, shabýyl jasaýshylar jeke tulǵalardyń habarlamalaryn, qońyraýlary men qımyl-áreketterin únemi baqylaýda ustaǵan. 

«Derekterdi taldaý nátıjesinde urlanǵan aqparat kólemi terabaıtpen ólshengeni belgili boldy. Hakerler Qazaqstan, Qyrǵyzstan, Mońǵolııa, Pákistan, Malaızııa, Nepal, Túrkııa, Úndistan, Egıpet, Franııa, Kambodja, Rýanda, Nıgerııa, Gonkong, Indonezııa, Vetnam, Mıanma, Fılıppın jáne Aýǵanstannyń ınfraqurylym nysandaryn baqylaýda ustaǵan», – delingen habarlamada.

Hakerler operatordyń jýrnaldaryn, qońyraýlardyń uzaqtyǵyn, qurylǵynyń IMEI kodtaryn jáne qońyraý shottaryn baqylaǵan. Tártip saqshylaryna da shabýyl jasaǵan. Sonymen qatar IDNET pen IDTV paıdalanýshylarynyń jáne BJZQ men «Air Astana» áýe tasymaldaýshysynyń derekterin jarııalaǵan.