قىتايلىق كيىم ساتۋشىلار 80%-عا دەيىنگى قايتارىمعا تاپ بولدى

فوتو: اشىق دەرەككوز

قىتايدىڭ ەلەكتروندىق كوممەرتسيا پلاتفورمالارىندا ايەلدەر كيىمىن قايتارۋ كورسەتكىشتەرىنىڭ كۇرت ءوسۋى سالا ويىنشىلارىنىڭ تابىستىلىعىمەن قاتار جالپى سالادا ساۋدا جاساۋىنا قاۋىپ توندىرەدى, دەپ جازادى qandastar.kz atamekenbusiness_qaz-عا سىلتەمە جاساپ.

Taobao الاڭىنداعى دۇكەندەردىڭ ءبىرىنىڭ نەگىزىن قالاۋشى قازىرگى ۋاقىتتا كيىمنىڭ ورتاشا قايتارىمى 90%-عا دەيىن جەتۋى مۇمكىن ەكەنىن ايتتى. بۇل رەتتە بۇرىن قايتارۋ كورسەتكىشى 20%-دان اسپاعان. ءوسۋ 2022 جىلدان باستالدى. ايەلدەر كيىمىنىڭ باسقا ساتۋشىلارى دا مۇنداي كورسەتكىشتەردى راستايدى. قايتارۋدىڭ كوپ بولۋىنىڭ باستى سەبەبى – ءونىمنىڭ ساپاسىنا قاتىستى. مىسالى, تاۋارلار سۋرەتتەگىدەي بولماعان جانە ولشەم دۇرىس كەلمەگەن. سونىمەن قاتار, اقىسىز قايتارۋ دا تابىستى ازايتقان.

تاۋارلاردى قايتارۋ كورسەتكىشتەرىنىڭ ءوسۋى ساتۋشىلاردىڭ وپەراتسيالىق شىعىندارىنىڭ, اتاپ ايتقاندا وراۋ جانە تاسىمالداۋ شىعىندارىنىڭ ارتۋىنا اكەلگەن. سونداي-اق, ءونىم ساپاسى مەن تۇتىنۋشىلارعا قىزمەت كورسەتۋدى ناشارلاتقان.