Jańalyqtar
Qytaımen shekarada týrıster úshin jaıaý júrginshiler baǵyty ashylmaq
![](https://qandastar.kz/wp-content/uploads/2024/05/IMG_5874-780x405.jpeg)
Qytaımen shekarada týrıster úshin jaıaý júrginshiler baǵyty ashylmaq. Bul týraly Úkimet otyrysynda Almaty oblysynyń ákimi Marat Sultanǵazıev aıtty.
«Memleket basshysynyń 2023 jyldyń 5 qyrkúıektegi Almaty oblysyna jumys sapary barysynda bergen tapsyrmasyna sáıkes, Narynqol aýdanynda týrıster úshin jaıaý júrginshiler baǵytyn ashý úshin óńir ákimdigi óz quzireti sheginde barlyq sharany qabyldady. Qytaımen shekarada 135 gektar jer ýchaskesi anyqtaldy. Búginde Qytaı tarapynyń ustanymyn kútip otyrmyz. О́tkizý pýnktin ashý shekaralas aýyldardyń damýyna serpin beredi», – dedi óńir basshysy.
Onyń atap ótýinshe, Oıqaraǵaı, Shymbulaq jáne taý shańǵysy kýrorttary arasynda aspaly joldar júrgizý taý klasterin damytýǵa oń áserin beredi. Osy oraıda qajetti jabdyqtardyń qymbat bolýyna jáne álemdik tájirıbeni eskere otyryp, ınvestorlardyń iri jobalarǵa ketken shyǵyndaryn óteýdi 25-ten 70 paıyzǵa deıin arttyrý qajet.
«Oıyn bıznesindegi máseleniń biri – ol lıenzııany uzartýdy jeńildetip, merzimin qysqartý. Máselen, bizdegi «Makao» oıynhanasy eki aıdaı jumys istegen joq. Sonyń saldarynan 500 adamnyń ýaqytsha jumyssyz qalý qaýpi boldy. Kirisi 330 mln teńgege kemidi», – dedi Marat Sultanǵazıev.