FILMI ÚLKEN EKRANǴA ORALDY

Qazaq kınosynyń marjanyna aınalǵan «Qyz Jibek» fılmi úlken ekranǵa oraldy.

Jarty ǵasyrdan beri syry ketse de, syny ketpegen klassıkalyq kartınanyń jabyq kórsetilimi Halyk IMAX Kinopark16 kınoteatrynda ótti. Saltanatty sharaǵa sulýlyqtyń sımvoly bolǵan Merýert О́tekesheva men Asanáli Áshimov qatysty.

Kórsetilimnen túsken qarjy qaıyrymdylyqqa jumasalady. «Qyz Jibek» jyry men fılmi – qazaq óneriniń shoqtyǵy bıik týyndysy. Alǵash ret 1970 jyly jaryq kórgen týyndy uzaq jyldardan keıin úlken ekranda kórermenimen qaýyshty. Búginnen bastap elimizdegi barlyq Kinopark & Kinoplexx kınoteatrlarynan kórsetiledi. Bul kınojoba «Qozy Kórpesh – Baıan sulý» – ǵashyqtar kúnine arnalǵan.

Merýert О́tekesheva, kıno jáne teatr aktrısasy: — «Qyz Jibek» fılmi – klassıka. Baıaǵyda bizdiń Sultan aǵamyz rejısser osy fılmdi qoıyp, jalpy mynaý, qarańyzshy, Ǵabıt Músirepov senarıı jazǵan. Mynaý mýzykany kim jazǵan? Nurǵısa Tilendıev. Búkil kostıýmderin tikken, dekoraııa bizdiń Gýlfaırýz Ismaılova. Klassıkalyq kartına 4 kún kórsetiledi. Osy ýaqyt aralyǵynda jınalǵan qarajat elimizdegi sý basqan óńirlerge áleýmettik kómek retinde aýdarylady. Igi bastamaǵa kez kelgen turǵyn kıno kórý arqyly atsalysa alady.

Azamat Satybaldy, «Qazaqfılm» AQ prezıdenti: — Kınony televızordan kórý bar, al ekrannan kórý múldem basqa. Sondyqtan da osy bir áserdi qaıtadan kórermenderge syılaý baǵytynda biz osy jobany jasadyq jáne bul tek qana basy ǵana

Biz árbir maýsym saıyn qazaqtyń altyn qoryndaǵy kınolardy búkil Qazaqstan boıynsha osy Kinopark & Kinoplexx kınoteatrlarynan kórsetip turatyn bolamyz. Birneshe urpaqtyń júreginen oryn tapqan «Qyz Jibek» fılmi áli kúnge kózi qaraqty kórermenniń ystyq yqylasyna bólenip keledi. Qyz Jibek pen Tólegenniń mahabbat hıkaıasy halyq jatqa bilse de, qaıtalap kórýden jalyqqan emes.