«قىزدىڭ ءبىر كوزى اعىپ, اناسىنىڭ ميى شاشىلىپ كەتكەن»: تۇركىستان وبلىسىندا ولتىرىلگەن ەكى ادامنىڭ تۋىستارى ءمان-جايدى ايتتى

تۇركىستان وبلىسىندا 16 جاستاعى قىز بەن 45  جاستاعى اناسى كىسى قولىنان قازا تاپتى. قاندى وقيعا كەلەس اۋدانىندا بولعان. 30 جاستاعى كۇدىكتى بۇعان دەيىن اۋىل مەكتەبىندە ساباق بەرگەن. وقۋشىسىنا قىرىنداعانى ءۇشىن جۇمىسىنان قۋىلعان ول وسىلايشا ءوشىن الماق بولدى دەيدى مارقۇمنىڭ قارا جامىلعان وتباسى. بۇل تۋرالى Stan.kz اقپارات اگەنتتىگى حابارلايدى.

قاندى وقيعا بولاتىن ءتۇنى 16 جاستاعى نۇريلا ءدال وسى اپكەسىنىڭ ۇيىنەن كەلگەن ەكەن. تۋىستارىنىڭ سوزىنشە كىلت دالادا قالىپ كەتكەن بولۋى كەرەك. ءسويتىپ, تۇنگى ەكىدە كەلگەن قاسكوي ۇيقىدا جاتقان جەسىر كەلىنشەكتى باسىنان كىرپىشپەن تومپەشتەپ, كەيىن بويجەتكەنگە قول جۇگىرتكەن. زورلىق كورگەن 10-سىنىپ وقۋشىسىنىڭ اجالمەن ارپالىسقان داۋىسى كورشىلەرگە جەتىپتى.

«كورشىنىڭ ۇيىنەن تۇنگى ەكىدەن اسقاندا دۇكىلدەگەن داۋىس شىقتى. العاشىندا تۇسىنگەن جوقپىز. سوسىن جۇگىرىپ بارىپ قارادىم. تەرەزەنى ۇرعاندا داۋىس توقتادى. وزدەرى شىعار دەپ قايتىپ كەتىپ بارا جاتقانىمدا قىزدىڭ ىڭىرسىعان داۋىسى شىقتى. نە بولسا ول بولسىن دەپ جۇگىرىپ كەلىپ, كىرگەندە بىرەۋ مەنى ۇرىپ جىبەردى. سودان ۇستاپ قۇشاقتاپ الدىم.  ول جۇلقىنىپ قاشىپ قۇتىلدى», – دەيدى كۋاگەر كورشى.

مارقۇمداردىڭ سۇيەگىن جۋعان جاقىندارى دەنەدە ساۋ-سامتىق قالماعانىن ايتادى. قىزدىڭ ءبىر كوزى اعىپ, كەۋدەسىنىڭ ءبارى كوگەرىپ, اناسىنىڭ ميى شاشىلىپ كەتكەن دەيدى. قان-جوسا بولعان ءۇي-ءىشىن تۋىستارى قانشا جۋعانىمەن ىزدەرى ءالى جاتىر.

ء«وزىم جۋىندىردىم. دەنەسىن ادام قاراپ بولمايدى. بەت-اۋىزدارىن تانىمايدى ادام. تاسپەن ۇرىپ-ۇرىپ كىشكەنتاي ءسىڭىلىمنىڭ كوزىن اعىزىپ جىبەرگەن. سونشالىقتى حايۋان بولار ما? باستارىن جارىپ تاستاعان. قۇلاقتارىنىڭ ءبارىنىڭ اينالاسىن تىككەن. جارىلعان. ءتۇرى جامان», – دەيدى مارقۇمنىڭ تۋىسى گۇلجان بايبولاتوۆا.

وتباسىنىڭ وتاعاسى دا وسىدان 15 جىل بۇرىن كىسى قولىنان اجال قۇشقان دەيىن جاقىندارى. سودان جەسىر قالعان زاريپا نارىمبەتوۆا ءۇش قىز ءوسىرىپ, ەكەۋىن تۇرمىسقا بەرگەن. ءوزى مەكتەپتە اسپاز بولىپ جۇمىس ىستەپتى. قورعانسىز جانداردى قورلادى دەگەن كۇدىكتى دە بوتەن ەمەس. نۇريلاعا دەنە شىنىقتىرۋ ساباعىنان مۇعالىم بولعان 30 جاستاعى ەر ادام.

«ول كەزدە قىزىمىز 14-تە بولعان. دەنە شىنىقتىرۋدان بەرەتىن اعايى سەنى سۇيەم دەپ حات جازىپتى. ءۇش بالاسى بار وتىز جاستاعى ەر ادام. ءسىڭىلىمىز ونى اناسىنا ايتقان. اناسى اراعا ءتۇسىپ, قىزىنا ءتيىسۋدى قويسىن دەگەن. بولماعان سوڭ پوليتسياعا بەرەمىن دەپتى. تۋعان-تۋىسىمەن كەلىپ ايتەۋىر كەشىرىم العان ەدى. سوڭى وسىلاي اياقتالىپ وتىر عوي. ناشا قولداناتىن بالا ەكەن. ول قالاي مۇعالىم بولىپ ءجۇر? ونى مەكتەپ ديرەكتورلارى قالاي جۇمىسقا قابىلداعانىن مەن ءالى تۇسىنە الماي تۇرمىن», – دەيدى مارقۇم تۋىسى اينۇر بايبولاتوۆا.

تۋىستارىنىڭ سوزىنشە بۇرىنعى مۇعالىم 15 جاستاعى قىزعا قىرىنداپ, حات جازعان ەكەن. ونى ەستىگەن اناسى ديرەكتورعا شاعىمدانىپ, جۇمىسىنان سول ءۇشىن كەتكەن دەيدى. 3 بالانىڭ اكەسى قازىر قاماۋدا.

«پوليتسيا تۇركىستان وبلىسىنىڭ تۇرعىنى مەن ونىڭ كامەلەتكە تولماعان قىزىن ءولتىرۋ فاكتىسى بويىنشا قىلمىستىق ءىس قوزعادى. كۇدىكتى ءىزىن سۋىتپاي ۇستالىپ, ۋاقىتشا ۇستاۋ يزولياتورىنا توعىتىلدى», – دەيدى تۇركىستان وبلىسى پوليتسيا دەپارتامەنتىنەن.

كىسى قولىنان جان تاپسىرعان انا مەن قىز كەشە جەر قوينىنا تاپسىرىلدى. ولاردى جوقتاعان جاقىندارى كۇدىكتىلەردىڭ جازادان سىتىلىپ كەتپەي, جاۋاپقا تارتىلۋىن سۇرايدى.

ايتا كەتەيىك, بۇعان دەيىن الەۋمەتتىك جەلىدەتۇركىستان وبلىسى كەلەس اۋدانىندا اناسى مەن كامەلەت جاسقا تولماعان وقۋشى قىزدىڭ جانتۇرشىگەرلىك ءولىمى تۋرالىاقپارات تاراعان ەدى. ەكى ادامنىڭ ءمايىتى ءوز ۇيلەرىنەن تابىلعان.