«Qyzdyń bir kózi aǵyp, anasynyń mıy shashylyp ketken»: Túrkistan oblysynda óltirilgen eki adamnyń týystary mán-jaıdy aıtty

Túrkistan oblysynda 16 jastaǵy qyz ben 45  jastaǵy anasy kisi qolynan qaza tapty. Qandy oqıǵa Keles aýdanynda bolǵan. 30 jastaǵy kúdikti buǵan deıin aýyl mektebinde sabaq bergen. Oqýshysyna qyryndaǵany úshin jumysynan qýylǵan ol osylaısha óshin almaq boldy deıdi marqumnyń qara jamylǵan otbasy. Bul týraly Stan.kz aqparat agenttigi habarlaıdy.

Qandy oqıǵa bolatyn túni 16 jastaǵy Nurıla dál osy ápkesiniń úıinen kelgen eken. Týystarynyń sózinshe kilt dalada qalyp ketken bolýy kerek. Sóıtip, túngi ekide kelgen qaskóı uıqyda jatqan jesir kelinshekti basynan kirpishpen tómpeshtep, keıin boıjetkenge qol júgirtken. Zorlyq kórgen 10-synyp oqýshysynyń ajalmen arpalysqan daýysy kórshilerge jetipti.

«Kórshiniń úıinen túngi ekiden asqanda dúkildegen daýys shyqty. Alǵashynda túsingen joqpyz. Sosyn júgirip baryp qaradym. Terezeni urǵanda daýys toqtady. О́zderi shyǵar dep qaıtyp ketip bara jatqanymda qyzdyń yńyrsyǵan daýysy shyqty. Ne bolsa ol bolsyn dep júgirip kelip, kirgende bireý meni uryp jiberdi. Sodan ustap qushaqtap aldym.  Ol julqynyp qashyp qutyldy», – deıdi kýáger kórshi.

Marqumdardyń súıegin jýǵan jaqyndary denede saý-samtyq qalmaǵanyn aıtady. Qyzdyń bir kózi aǵyp, keýdesiniń bári kógerip, anasynyń mıy shashylyp ketken deıdi. Qan-josa bolǵan úı-ishin týystary qansha jýǵanymen izderi áli jatyr.

«О́zim jýyndyrdym. Denesin adam qarap bolmaıdy. Bet-aýyzdaryn tanymaıdy adam. Taspen uryp-uryp kishkentaı sińilimniń kózin aǵyzyp jibergen. Sonshalyqty haıýan bolar ma? Bastaryn jaryp tastaǵan. Qulaqtarynyń báriniń aınalasyn tikken. Jarylǵan. Túri jaman», – deıdi marqumnyń týysy Gúljan Baıbolatova.

Otbasynyń otaǵasy da osydan 15 jyl buryn kisi qolynan ajal qushqan deıin jaqyndary. Sodan jesir qalǵan Zarıpa Narymbetova úsh qyz ósirip, ekeýin turmysqa bergen. О́zi mektepte aspaz bolyp jumys istepti. Qorǵansyz jandardy qorlady degen kúdikti de bóten emes. Nurılaǵa dene shynyqtyrý sabaǵynan muǵalim bolǵan 30 jastaǵy er adam.

«Ol kezde qyzymyz 14-te bolǵan. Dene shynyqtyrýdan beretin aǵaıy seni súıem dep hat jazypty. Úsh balasy bar otyz jastaǵy er adam. Sińilimiz ony anasyna aıtqan. Anasy araǵa túsip, qyzyna tıisýdi qoısyn degen. Bolmaǵan soń polıııaǵa beremin depti. Týǵan-týysymen kelip áıteýir keshirim alǵan edi. Sońy osylaı aıaqtalyp otyr ǵoı. Nasha qoldanatyn bala eken. Ol qalaı muǵalim bolyp júr? Ony mektep dırektorlary qalaı jumysqa qabyldaǵanyn men áli túsine almaı turmyn», – deıdi marqum týysy Aınur Baıbolatova.

Týystarynyń sózinshe burynǵy muǵalim 15 jastaǵy qyzǵa qyryndap, hat jazǵan eken. Ony estigen anasy dırektorǵa shaǵymdanyp, jumysynan sol úshin ketken deıdi. 3 balanyń ákesi qazir qamaýda.

«Polıııa Túrkistan oblysynyń turǵyny men onyń kámeletke tolmaǵan qyzyn óltirý faktisi boıynsha qylmystyq is qozǵady. Kúdikti izin sýytpaı ustalyp, ýaqytsha ustaý ızolıatoryna toǵytyldy», – deıdi Túrkistan oblysy polıııa departamentinen.

Kisi qolynan jan tapsyrǵan ana men qyz keshe jer qoınyna tapsyryldy. Olardy joqtaǵan jaqyndary kúdiktilerdiń jazadan sytylyp ketpeı, jaýapqa tartylýyn suraıdy.

Aıta keteıik, buǵan deıin Áleýmettik jelideTúrkistan oblysy Keles aýdanynda anasy men kámelet jasqa tolmaǵan oqýshy qyzdyń jantúrshigerlik ólimi týralyaqparat taraǵan edi. Eki adamnyń máıiti óz úılerinen tabylǵan.