Qyzmetinen qýylýy múmkin: Shymkenttik memlekettik qyzmetkerler býkmekerlerge 400 mıllıon teńge utylǵan

Foto: championat.com

Shymkentte qumar oıynǵa qunyǵyp, bás tikken 50 memlekettik qyzmetker jumysynan aıyrylýy múmkin, dep jazady qandastar.kz

Olar bir jyl shinde býkmekerlik keńsege 400 mıllıon teńge utylǵan eken. Bul týraly Stan.kz aqparat agenttigi KTK arnasyna silteme jasap habarlaıdy.

Qısapsyz qarjynyń qumar oıynǵa ketip jatqanyn Shymkent prokýratýrasy anyqtady. Olar arnaıy taldaý kezinde lýdomanııa dertine shaldyqqan memlekettik qyzmetkerlerdiń tizimin jasapty. Zań boıynsha olardyń bás tigip kazınoǵa barýyna tyıym salynǵan. Sondyqtan qyzmette bolsa da qumaryn jeńe almaı júrgender shetinen jyly ornymen qoshtasady.

“Taldaý nátıjesi boıynsha jergilikti atqarýshy organǵa qadaǵalaý aktisi engizilip qaralyp jatyr. О́zgerister engizilgen zań talaptaryna sáıkes, ol jerde qyzmetkermen eńbek shartyn buzý tártibi qarastyrylǵan”, – dedi Shymkent qalasy prokýratýrasynyń basqarma bastyǵynyń orynbasary Bekjan Qulataev.