جاڭالىقتار
قىزىلوردا وبلىسى تۇرعىنىنىڭ ۇيىنەن فيتوزەرتحانا تابىلدى
فوتو: Polisia.kz
قىزىلوردا وبلىسىنداعى «شەپ» ستاتسيونارلىق بەكەتىندە قىزمەتتىك يت جولاۋشىدان ماريحۋانا سالىنعان ورامانى تاپتى, دەپ حابارلادى qandastar.kz سايتى.
جاڭاقورعان كەنتىندە ونىڭ تۇرعىلىقتى جەرىن ءتىنتۋ كەزىندە 4190 كاننابيس بۇتاسى بار پلانتاتسيا انىقتالدى.
تۇرعىن ءۇي فيتوزەرتحانا رەتىندە جابدىقتالعان. جاتىن بولمەسىندە تاعى 14 بۇتا تابىلدى. تاركىلەنگەن ەسىرتكى قۇرالدارىنىڭ جالپى سالماعى 55 كەلىدەن استى.
وسى فاكتىلەر بويىنشا 91 كەلىدەن استام ەسىرتكى زاتتارى, ونىڭ ىشىندە 7 كەلىگە جۋىق سينتەتيكا مەن ەسىرتكى وندىرۋگە ارنالعان ءبىر توننا پرەكۋرسور تاركىلەندى.
كۇدىكتىلەر ۇستالىپ, ۋاقىتشا ۇستاۋ يزولياتورىنا قامالدى. بۇل باعىتتاعى جۇمىس جالعاسۋدا, — دەدى ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ مىندەتىن اتقارۋشى دانيار مەيىرحان.
