قىزىلوردا وبلىسىندا بىرنەشە ينفراقۇرىلىمدىق جوبالار جۇزەگە اسىپ جاتىر

قىزىلوردا وبلىسىندا قۇنى 30 ميلليارد تەڭگە بولاتىن بىرنەشە ينفراقۇرىلىمدىق جوبا جۇزەگە اسىپ جاتىر. وبلىس ورتالىعىنداعى كولىك كەپتەلىسىن ازايتۋ ماقساتىندا قولعا الىنعان اۋقىمدى قۇرىلىس بارىسىمەن وبلىس اكىمى نۇرلىبەك نالىباەۆ تانىستى.

وڭىردە كوشەلەردى كوركەيتۋمەن قاتار جاسىل جەلەكتى جايقالتۋعا ەرەكشە ءمان بەرىلىپ وتىر.  بيىل قىزىلوردا وبلىسىندا 266 شاقىرىم جول جوندەلەدى. ال وبلىس ورتالىعىندا 53 كوشە قايتا جاڭعىرتىلادى. ونىڭ قاتارىندا قالانى ەكىگە ءبولىپ تۇرعان تەمىرجولدى بويلاي وتەتىن قوجا-احمەت ياسساۋي كوشەسى بار. ۇزىندىعى 3 شاقىرىمعا جۋىقتايتىن داڭعىل 4 جولاقتى بولادى. جول بويى تولىق جارىقتاندىرىلىپ, ايالداما مەن جاياۋ جۇرگىنشى جولى ءتيىستى تالاپقا ساي سالىنادى. جانىبەك سىزدىقوۆ, وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى: — كوشەلەردى وڭتايلاندىرۋعا بايلانىستى كوپ جۇمىستار اتقارىلىپ جاتىر. قازىرگى تاڭدا 30 ملرد.

قارجى ناقتىلانىپ تۇر. قىزىلوردا قالاسىنا 12 ملرد. قارجى ءبولىنىپ تۇر. ونىڭ ىشىندە قىزىلوردا قالاسىندا اباتتاندىرۋ جۇمىستارىنا 4 ملرد. تەڭگەنىڭ ۇستىندە جۇمىستار جۇرگىزىلىپ جاتىر. قالا كوشەلەرىن كوركەيتۋمەن قاتار جاسىل جەلەكتى ۇلعايتۋعا دا باسىمدىق بەرىلدى. بيىل وبلىس كولەمىندە 100 مىڭ ءتۇپ سايالى اعاش كوشەتىن كۇتىمگە الۋ جوسپارلانعان. ءبىر عانا «تازا قازاقستان» ەكولوگيالىق اكتسياسى اياسىندا مىڭ ءتۇپ تال ەگىلدى.

باقىت جاحانوۆ, وبلىس اكىمىنىڭ ورىنباسارى: — بيىلعى جىلدىڭ وزىندە ءبىز 28 مىڭ ءتۇپ اعاش, وبلىس ورتالىعىندا, اۋدانداردا, ەلدى مەكەندەردە ەگۋ جۇمىستارى جۇرگىزىلدى. وعان قاجەتتى كوشەت, ورمان شارۋاشىلىعى پيتومنيكتەرىندە قازىر وسىرىلۋدە. ودان بولەك قىزىلوردا قالاسىنىڭ جانىندا جاسىل بەلدەۋ ەگۋ جۇمىستارىن جۇرگىزىپ, ول جەردە 3 مىڭ گەكتارعا سەكسەۋىل كوشەتتەرىن ەگۋ جۇمىستارى جاسالىپ جاتىر.  وڭىردەگى ورمان قورىن تولىقتىرۋ جانە ەلدى مەكەندەردى كوگالداندىرۋ ماقساتىندا ايماقتاعى 8 تۇقىمباقتا 17 ميلليون ءتۇپ اعاش كوشەتى ءوسىرىلىپ جاتىر.