قىزىلوردا-جەزقازعان جولى جىل سايىن باتپاققا اينالادى

كۇن جىلىنا قىزىلوردا-جەزقازعان جولى مي باتپاققا اينالادى. جىلداعى جاعداي وسى. جاقىندا عانا باتىپ قالعان 75 كولىكتى ارنايى تەحنيكا سۇيرەپ شىعاردى. زىندىعى 420 شاقىرىمعا سوزىلعان جولدىڭ قىزىلوردا وبلىسى اۋماعىنداعى بولىگىن جوندەۋ 2 جىل بۇرىن باستالعان.

ال ۇلىتاۋعا تيەسىلى اۋماقتا ءالى قوزعالىس جوق.   «قىزىلوردا-جەزقازعان» كۇرە جولى ەلىمىزدىڭ وڭتۇستىگى مەن سولتۇستىگىن جالعايتىن توتە جول. سوندىقتان, تەرىسكەيگە باقشا ونىمدەرىن تاسىمالداعان كولىك كەرۋەنى وسى تراسسامەن جۇرەدى. وسىدان 50 جىل بۇرىن سالىنعان جول بۇگىنگە دەيىن كۇردەلى جوندەۋ كورمەگەن. ۇلىتاۋ وبلىسىنا قاراستى 200 شاقىرىمنىڭ تەڭ جارىمىندا اسفالت جامىلعىسى جوق. كوكتەم مەن كۇزدە جولاۋشىلاردى ابىگەرگە سالاتىن تۇس  — وسى.  اسقار ساقاەۆ, وبلىس تۇرعىنى: — جەزقازعانعا قاراي جول جوق ەسەبىندە عوي. جول جوق قوي. 10 ساعات ءجۇرىپ كەلەمىز عوي. ءارى قاراي 3 ساعاتتا جەتىپ بارامىز. 13 ساعات كەتەد تا وبشىم جولعا.

ءبىر جۇرگەن جان ازابىن ۇمىتا المايتىن جولمەن قاسەن بايشەەۆ اپتاسىنا ەكى رەت جۇرەدى. سولتۇستىككە مال ازىعىن تاسىمالدايتىن ازامات تالاي رەت  جولدا قالعان. وسى جولى دا 3 كۇن ءجۇرىپ, زورعا جەتىپتى.  قاسەن بايشەەۆ, وبلىس تۇرعىنى: — زورعا كەلدىك شىنىمەنەن. جولدا باتىپ جاتىر قانشا كولىك.  جول بوساپ كەتكەن. وسى جولدى رەتتەسە دەپ وتىر ەندى.  اقىلى بولسا دا ايتەۋىر تەگىس جولمەن كەلگەنگە نە جەتسىن. ەرتەرەك ارەكەت جاساپ, بيىل قيمىلداسا دۇرىس بولار ەد دەپ وتىرمىز.  جولدى جوندەۋ ەكى جىل بۇرىن باستالدى.  ۇلىتاۋعا قاراستى 200 شاقىرىمدى جاڭعىرتۋعا بولىنگەن 90 ملرد تەڭگە جەتپەي قالدى.   بىلتىر ۇكىمەت «ازيا دامۋ بانكىمەن» بىرلەسىپ, قارجى كولەمىن 145 ملرد تەڭگەگە كوتەردى.

ساتىپ الۋ بايقاۋى قازان ايىندا وتكەن. دەگەنمەن ءالى كۇنگە مەردىگەر  انىقتالعان جوق.  سۇڭعات راقىمجانوۆ, «قازاۆتوجول» ۇك» اق وبلىستىق فيليالىنىڭ ديرەكتورى: — قازىر ازياتسكي بانكتىڭ ەرەجەلەرىنە ساي جۇمىستار جۇرگىزىلىپ جاتىر. ەندى قازىر مەردىگەرلەر انىقتالعان سوڭ, جەردىڭ وبەزدنوي جول جاساپ, قالاشىقتار جاساپ, كارەرلەردىڭ  قۇجاتتارىن دايىندايدى. وسى جىلدىڭ ەكىنشى جارتى جىلدىعىندا باستايمىز با دەپ وتىرمىز.   جەزقازعانعا سىرتتان تاسىمالداناتىن  تاۋاردىڭ دەنى وسى جولمەن كەلەدى. جولدىڭ ناشارلىعى ارينە تاسىمال قۇنىن دا ارتتىرادى. مامانداردىڭ ايتۋىنشا, بۇل جولمەن تاۋلىگىنە 1 مىڭنان استام كولىك قاتىنايدى.  ولاردىڭ ىركىلىسسىز قوزعالىسىن قامتاماسىز ەتۋ ءۇشىن  جەر قۇرعاپ كەتكەنشە  «قازاۆتوجولدىڭ» ارنايى بريگاداسى كەزەكشىلىك ەتەدى.