Jańalyqtar
Qyzylordada advokat pen onyń jubaıy alaıaqtyq jasaǵany úshin 7 jylǵa bas bostandyǵynan aıyryldy
Qyzylordanyń № 2 qalalyq sotynda qyzmettik mansabyn asyra paıdalanyp, alaıaqtyqqa barǵan advokat pen onyń jubaıynyń isi sotta qaraldy, dep habarlaıdy Zakon.kz.
Sotta anyqtalǵandaı, sottalýshy A. advokattyq qyzmet kórsetip júrip, áıeli sottalýshy G.-niń tanysy azamatsha M.-ny qylmystyq is boıynsha jaýaptylyqtan bosatyp beremin degen negizben, ony aldap, senimin teris paıdalanyp, oǵan qatysty tekserýdi toqtatyp, sotqa deıingi tergep-tekserýdi bastamaý máselesin Departamenttiń laýazymdy tulǵalarymen sheship beremin dep, 8 000 000 teńge aıtarlyqtaı mólsherde para berý kerektigin aıtyp sendirgen.
Foto: zakon.kz
Alaıaqtyq pıǵyldarynan beıhabar bolǵan jábirlenýshi M. olardyń aldaýyna kónip, tekserýdi toqtatý úshin 8000 000 teńge para berýge kelisimin berip, 5 000 000 teńgeni qolma-qol bergen.
Osydan keıin, sottalýshylar A. men G. atalǵan 5000 000 teńgeni aldap alǵanymen qoımaı, qylmystyq is-áreketterin sońyna deıin jetkizý maqsatynda qalǵan 3000 000 teńge aqsha qarajatyn alý úshin qaıta-qaıta habarlasyp Departamenttiń laýazymdy tulǵalary paranyń qalǵan bóligin surap jatqandyǵyn jalǵan aıtyp, qalǵan 3 000 000 teńgeni qolma-qol alyp, sońǵyǵa qatysty tekserýdi toqtatylatynyn aıtyp, alǵan aqsha qarajattardy Departamenttiń laýazymdy tulǵalaryna bergendigin aıtyp sendirgen.
«Nátejesinde jábirlenýshi M.-ǵa 8000 000 teńge aqsha qarajatyn alaıaqtyq jolmen ıemdenip alyp, iri múliktik zalal keltirgen. Basty sot talqylaýynda jábirlenýshi M. ózine keltirilgen múliktik shyǵyn qaıtarylǵanyn, sottalýshylarǵa keshirim beretinin, talap aryzynan bas tartýyna baılanysty qaraýsyz qaldyrýdy suraıtynyn, sottalýshylarǵa jaza máselesi jóninde sottyń quzyryna qaldyratyn aıtyp kórsetken»,- delingen aqparatta.
Olarǵa QR QK-niń 190-baby 3-bóligi 1-tarmaǵymen, QK-niń 28-baby 4-bóligi arqyly 367-baby 3-bóligi 1-tarmaǵymen aıyp taǵyldy.
«Sottalýshylar QR QK-niń 190-baby 3-bóligi 1)-tarmaǵymen, QK-niń 28-baby 4-bóligi arqyly 367-baby 3-bóligi 1)-tarmaǵymen kináli dep tanylyp, QK-niń 58-baby 3-bóliginiń talabyna saı onsha qatań emes jazany neǵurlym qatań jazaǵa sińirý arqyly, árqaısysyna túpkilikti memlekettik qyzmette jáne kvazımemlekettik sektor sýbektilerinde laýazymdardy atqarýǵa ómir boıyna aıyra otyryp, 7 jyl merzimge bas bostandyǵynan aıyrý jazasy taǵaıyndalyp, jazalaryn qylmystyq-atqarý júıesiniń ortasha qaýipsiz mekemelerinde óteýge belgilendi».
