قىزىلوردادا وقۋشى قىزدى سەكس-قۇلدىقتا ۇستاعان تاعى ءبىر ايىپتالۋشىعا ۇكىم شىقتى

سوتتا انىقتالعانى:

• سوتتالۋشى جابىرلەنۋشىنىنىڭ كامەلەت جاسىنا تولماعانىن بىلە تۇرا, پايداكۇنەمدىك ماقساتتى كوزدەپ, ونى بىرنەشە رەت جەزوكشەلىكپەن اينالىسۋعا تارتقان.
• سوتتالۋشىنىڭ كىناسى وقيعا ورنىن قاراپ-تەكسەرۋ جانە بەتتەستىرۋ جۇرگىزۋ حاتتامالارىمەن,جابىرلەنۋشىنىڭ جاۋاپتارىمەن دالەلدەندى.

تاراپتاردىڭ ۇستانىمى:

• پروكۋرور سوتتالۋشىنى كىنالى دەپ تانىپ, قك 55-بابىنىڭ 2-بولىگىن قولدانا وتىرىپ, 4 جىل 6 اي مەرزىمگە باس بوستاندىعىنان ايىرۋدى سۇرادى.
• جابىرلەنۋشىنىڭ وكىلى سوتتالۋشىنى كەشىرەتىنىن جانە جازاعا قاتىستى ماسەلەنى سوتتىڭ قاراۋىنا قالدىراتىنىن كورسەتتى.
• قورعاۋشى سوتتالۋشىنى قك-ءتىڭ 309-بابى 2-بولىگى 2),3)-تارماقتارى بويىنشا اقتاۋدى سۇرادى.

سوت شەشىمىمەن:

• قك-ءنىڭ اتالعان بابىنىڭ سانكتسياسى 3 جىلدان 7 جىلعا دەيىن باس بوستاندىعىنان ايىرۋ جازاسىن كوزدەيدى. قك-ءتىڭ 53-بابىنا سايكەس, ءىس بويىنشا جازانى جەڭىلدەتەتىن ءمان-جاي رەتىندە جاس بالاسىنىڭ بولۋى تانىلادى.
• اۋىرلاتاتىن ءمان-جايلار ايىپتاۋ اكتىسىندە كورسەتىلمەگەن. قك-ءنىڭ 55-بابىنىڭ 2-بولىگىنىڭ 2) تارماعىنا ساي, جازانى جەڭىلدەتەتىن ءمان-جايلار بولعان جانە اۋىرلاتاتىن ءمان-جايلار بولماعان كەزدە, جازا مەرزىمى قك-ءتىڭ ءتيىستى بابىندا كوزدەلگەن ەڭ جوعارى مەرزىمنىڭ 2/3-نەن اسىرۋعا بولمايدى دەلىنگەن.
• سوت ۇكىمىمەن سوتتالۋشى قر قك 309-بابى 2-بولىگىنىڭ 2),3)-تارماقتارى بويىنشا كىنالى دەپ تانىلىپ, 4 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى.

ۇكىم زاڭدى كۇشىنە ەنبەگەن.