Jańalyqtar
Qyzylordada oqýshy qyzdy seks-quldyqta ustaǵan taǵy bir aıyptalýshyǵa úkim shyqty
Foto: egemen.kz
Qyzylordanyń №2 sotynda sottalýshy J.-ǵa qatysty birneshe ret kámeletke tolmaǵandy jezókshelikpen aınylysýǵa tartýmen ushtasqan jeńgetaılyq faktisi boıynsha qylmystyq is jabyq sot otyrysynda qaraldy, dep jazdy qandastar.kz
Sotta anyqtalǵany:
- Sottalýshy jábirlenýshininiń kámelet jasyna tolmaǵanyn bile tura, paıdakúnemdik maqsatty kózdep, ony birneshe ret jezókshelikpen aınalysýǵa tartqan.
- Sottalýshynyń kinási oqıǵa ornyn qarap-tekserý jáne bettestirý júrgizý hattamalarymen,jábirlenýshiniń jaýaptarymen dáleldendi.
Taraptardyń ustanymy:
- Prokýror sottalýshyny kináli dep tanyp, QK 55-babynyń 2-bóligin qoldana otyryp, 4 jyl 6 aı merzimge bas bostandyǵynan aıyrýdy surady.
- Jábirlenýshiniń ókili sottalýshyny keshiretinin jáne jazaǵa qatysty máseleni sottyń qaraýyna qaldyratynyn kórsetti.
- Qorǵaýshy sottalýshyny QK-tiń 309-baby 2-bóligi 2),3)-tarmaqtary boıynsha aqtaýdy surady.
Sot sheshimimen:
- QK-niń atalǵan babynyń sankııasy 3 jyldan 7 jylǵa deıin bas bostandyǵynan aıyrý jazasyn kózdeıdi. QK-tiń 53-babyna sáıkes, is boıynsha jazany jeńildetetin mán-jaı retinde jas balasynyń bolýy tanylady.
- Aýyrlatatyn mán-jaılar aıyptaý aktisinde kórsetilmegen. QK-niń 55-babynyń 2-bóliginiń 2) tarmaǵyna saı, jazany jeńildetetin mán-jaılar bolǵan jáne aýyrlatatyn mán-jaılar bolmaǵan kezde, jaza merzimi QK-tiń tıisti babynda kózdelgen eń joǵary merzimniń 2/3-nen asyrýǵa bolmaıdy delingen.
- Sot úkimimen sottalýshy QR QK 309-baby 2-bóliginiń 2),3)-tarmaqtary boıynsha kináli dep tanylyp, 4 jyl 6 aı merzimge bas bostandyǵynan aıyrý jazasy taǵaıyndaldy.
Úkim zańdy kúshine enbegen.
