جاڭالىقتار
قىزىلوردادا شەنەۋنىكتەر فۋتبولعا 1,6 ميلليارد تەڭگەدەن استام قارجى جۇمساماق

فوتو: egemen.kz
قىزىلوردا وبلىسىندا شەنەۋنىكتەر فۋتبولعا 1,6 ميلليارد تەڭگەدەن استام قارجى سالۋدى جوسپارلاپ وتىر, دەپ qandastar.kz Stan.kz-كە سىلتەمە جاساپ حابارلايدى.
“تاپسىرىس بەرۋشى – قىزىلوردا وبلىسىنىڭ دەنەشىنىقتىرۋ, سپورت جانە تۋريزم باسقارماسى; اتاۋى – سپورتتىق كلۋبتار قىزمەتى; قوسىمشا اقپارات – پرەمەر-ليگا كوماندالارى اراسىنداعى چەمپيوناتتا, ەكىنشى ليگا كوماندالارى اراسىنداعى چەمپيوناتتا, فۋتبول كۋبوگىنا وبلىستىق فۋتبول كومانداسىنىڭ دايىندىقتارىن ۇيىمداستىرۋ جانە قاتىسۋ جونىندە قىزمەتتەرى; جولسپارلانعان قاراجات – 1,2 ميلليارد تەڭگە”, – دەلىنگەن مەملەكەتتىك ساتىپ الۋ پورتالىندا جاريالانعان لوت سيپاتتاماسىندا.
بايقاۋعا قاتىسۋعا وتىنىشتەر 17-19 اقپان ارالىعىندا قابىلدانادى.
تاعى ءبىر لوتتىڭ سيپاتتاماسىندا «فۋتبول ورتالىعىنىڭ (بالالار-جاسوسپىرىمدەر كوماندالارىنىڭ) وبلىستىق فۋتبول كلۋبىنىڭ 2025 جىلى قازاقستان فۋتبول فەدەراتسياسىنىڭ ويىندار كۇنتىزبەسىنە سايكەس جاسوسپىرىمدەر قۇرامالارى اراسىندا وتەتىن رەسمي رەسپۋبليكالىق سايىستارعا دايىندىقتارىن ۇيىمداستىرۋ جانە قاتىسۋ قىزمەتتەرى» دەلىنگەن. تاپسىرىس بەرۋشى – قىزىلوردا وبلىسىنىڭ دەنەشىنىقتىرۋ, سپورت جانە تۋريزم باسقارماسى. قاجەت سوما – 436 612 400 تەڭگە. بۇل كونكۋرسقا وتىنىمدەر قابىلداۋ 12 اقپاندا باستالىپ, 17 اقپاندا اياقتالادى.
شەنەۋنىكتەر جالپى ەكى لوتتى قوسقاندا فۋتبولعا 1 636 612 400 تەڭگە جۇمساماق.