Qyzylordada jynystyq quldyqta bolǵan oqýshy qyzdyń isine qatysty jańa derek shyqty

Foto: ashyq derekkóz

Qyzylordada 16 jasar qyzdyń seksýaldy quldyqta bolǵany týraly atyshýly iske qatysty jańa derekter aıtyldy, dep jazady qandastar.kz  Orda.kz saıtyna silteme jasap.

NeMolchıKZ qorynyń jetekshisi Dına Tańsáriniń aıtýynsha, «Adam saýdasyna qarsy turý týraly» zań 5 qyrkúıekte kúshine endi. Bul zańǵa sáıkes, kámeletke tolmaǵan qyz balanyń «qyzmetin satyp alǵan» 217 er adamdy jaýapqa tartýǵa bolar edi. Biraq qyzben bolǵan bul oqıǵa 5 tamyzda anyqtaldy, al 6 tamyzda shaǵym berildi. Sondyqtan, bul adamdardy eshkim jaýapqa tarta almaıdy. Sonymen qatar, qyzdyń otbasy qalada qala almaıdy. 200-den astam er adam men olardyń otbasylary qyzdyń otbasyn qýdalaýy múmkin.

«Sebebi olardy shaqyrdy, keıbireýlerin jumys ornynan tapty, jarııalady, keıbireýlerin jumystan shyǵardy, keıbireýlerin jazalady. Olardyń oıynsha, bul qylmystyń sebebi olardyń qumarlyǵy nemese aqy tólep zorlyq-zombylyq jasaýǵa beıimdilik emes, bul —  qyzdyń ózine qatysty. Olar mektepterde, ákimshilikte, memlekettik mekemelerde, aýrýhanalarda jumys isteıdi», – dep jazdy Tańsári.

Eske salsaq, 16 jasar mektep oqýshysy synyptastarynyń seksýaldy qulyqtyǵynda segiz aı bolǵan. Bul oqıǵa kezdeısoq anyqtaldy: polıııa reıd kezinde qyzdy qaladaǵy saýnalardyń birinen tapty.