جاڭالىقتار
«Lexus 600»-عا قۋانىپ جۇرگەن سياقتى: ەلدوس سمەتوۆ پەن باپكەرىنىڭ ءبيى جەلىنى جاردى
فوتو: https://www.instagram.com/yeldos60kg/
پاريج وليمپياداسىنىڭ چەمپيونى ەلدوس سمەتوۆ تۋعان جەرىندە جەرلەستەرى كۇتىپ الدى. دزيۋدوشى ەلدوس سمەتوۆكە مەملەكەتتىك بەرەتىن سىياقىسىنان بولەك ءتۇرلى دەمەۋشى كاسىپكەرلەر باسقا دا سىيلىقتار تابىستاۋدا. بۇل تۋرالى Stan.kz اقپارات اگەنتتىگى حابارلايدى.
وليمپيادا چەمپيونىنا تۋعان جەرى تارازدا قۇرمەت كورسەتىلدى. جامبىل وبلىسىنىڭ اكىمى ەربول قاراشوكەەۆ سمەتوۆكە جاڭا Lexus 600 اۆتوكولىگى مەن تاراز قالاسىنان 5 بولمەلى پاتەردىڭ كىلتىن تابىستادى.
سمەتوۆتىڭ جاتتىقتىرۋشىسى عالىمجان جىلگەلديەۆكە دە 2 بولمەلى پاتەر بەرىلدى.
ودان كەيىن جەلىگە سپورتشىعا ارنالعان تويدىڭ ۆيدەوسى تارادى. ول جەردە دزيۋدوشى مەن جاتتىقتىرۋشىسى بيلەپ جۇرگەنىن كورۋگە بولادى. وقىرمان قاۋىم ءتۇرلى پىكىر ءبىلدىرىپ, قۋانىشقا ورتاقتاسىپ جاتىر.
«كەرەمەت كوڭىل كۇي سىيلادى», «ەكەۋى دە بيدەن جارىس بولسا, ءبىرىنشى ورىن الايىن دەپ تۇر», «5 بولمەلى ءۇي مەن lexus 600-عا قۋانىپ ءجۇر», «ەكەۋىنە نە ىستەسە دە جاراسادى», «مىنا جاقتا ءبىز دە بيلەپ وتىرمىز», – دەپ جازدى جەلى قولدانۋشىلارى.
