لگبت-نى ناسيحاتتاۋعا تىيىم سالىنۋى مۇمكىن

فوتو: inform.kz

ءماجىلىس دەپۋتاتى ەدىل جاڭبىرشين ەلىمىزدە لگبت ناسيحاتىنا تىيىم سالۋ شارالارىن قولعا الۋ كەرەكتىگىن ايتتى, دەپ جازدى qandastar.kz

ماجىلىسمەن پرەمەر-مينيستر ولجاس بەكتەنوۆكە, ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆقا جولداعان ساۋالىندا اقش-تىڭ ءوزى تابيعي جاراتىلىسقا قارسى جىنويناق توپتارعا تىيىم سالىپ جاتقاندا, قازاقستان قاراپ قالماۋى كەرەك دەپ سانايدى.ول اقش پرەزيدەنتى دونالد ترامپتىڭ سوزدەرىن دە ەسكە سالدى.

بارلىق قىزتەكەگە «دياديا دونالدتان» جالىندى سالەم. ءبىز لگبت-نى ناسيحاتتاۋعا تىيىم سالۋدى كوزدەيتىن ارنايى زاڭ نورمالارىن دا ازىرلەدىك. الايدا وسى ارەكەتتەرىمىزگە كەيبىر شەنەۋنىكتەر باتىس ەلدەرى وكىلدەرىنىڭ «دەموكراتيانى شەكتەپ جاتىرسىڭدار», «ادام قۇقىعىن تاپتاپ جاتىرسىڭدار» دەگەن ۇستانىمدارىن جەلەۋ قىلىپ, قارسىلىق ءبىلدىردى.

ءتىپتى, لگبت وكىلدەرى جانە ولاردىڭ سىبايلاستارى دەپۋتات ارىپتەستەرىمە جانە ولاردىڭ وتباسىلارىنا الەۋمەتتىك جەلىدە, بۇقارالىق اقپارات قۇرالدارىندا جاپپاي اقپاراتتىق شابۋىلدار ۇيىمداستىردى, – دەيدى ول.

دەپۋتات لگبت ناسيحاتىنا قارسى پەتيتسياعا نەبارى 2 اپتادا 50 مىڭ ادام قول قويعانىن العا تارتىپ, مۇنىڭ ۇلتتىق بولمىسىمىزعا جات, لگبت اعىمىنا حالىقتىڭ اشىق قارسى ەكەندىگىن كورسەتتى دەپ وتىر.

پارلامەنت ءبىرىنشى كەزەكتە حالىقتىڭ مۇددەسىن ەسكەرىپ, ونى ناقتى زاڭنامامەن ىسكە اسىرۋى ءتيىس. ولاي بولسا, ۇكىمەت تەز ارادا كەلەسى شارالاردى قولعا الۋى قاجەت, – دەدى ول.

ول بىرقاتار ۇسىنىسىن جەتكىزدى:

ءبىرىنشى, جوعارىدا اتالعان پەتيتسيا تالاپتارىن تولىق قاناعاتتاندىرۋ كەرەك.

ەكىنشى, بارلىق پلاتفورمالاردا, الەۋمەتتىك جەلىلەردە لگبت-نى ناسيحاتتايتىن زاڭ نورمالارىن ۇسىنامىز. وعان ۇكىمەت وڭ قورىتىندىسىن بەرۋى ءتيىس.

ءۇشىنشى, لگبت-نى قولداپ, ءماجىلىس دەپۋتاتتارىنا اقپاراتتىق شابۋىلداردى ۇيىمداستىرعان تۇلعالاردى تاۋىپ, جازالاۋى قاجەت.