جاڭالىقتار
م. تاكيەۆ: بيۋدجەتە ₸3,5 ترلن تاپشى
قازاقستاننىڭ بيۋدجەتتىك شىعىنى ارتىپ, كىرىسى كەمىدى. بۇل تۋرالى پارلامەنت پالاتالارىنىڭ بىرلەسكەن وتىرىسىندا ايتىلدى,-دەپ حابارلايدى Qandastar.kz
ەكونوميكالىق وسىمگە قول جەتكىزۋ جولدارى, بيۋدجەتتىڭ بۇگىنگى جايى, نەگىزگى ەكونوميكالىق سالالارعا سەرپىن بەرۋ. بۇگىنگى وتىرىسقا ارقاۋ بولعان تاقىرىپتار – وسى.
باقىت توپتاەۆا, ءتىلشى: – قارجى ءمينيسترى شىعىستاردىڭ كولەمى كوز ىلەسپەس جىلدامدىقپەن ءوسىپ جاتقانىن مويىندادى. ءمادي تاكيەۆتىڭ ايتۋىنشا, بيىل بيۋدجەت كىرىسى بولجاممەن 16 ترلن-عا جۋىقتاۋى مۇمكىن. ال بيىلعى بيۋدجەت تاپشىلىعى 3,5 ترلن كولەمىندە بولماق. قازىردىڭ وزىندە بيۋدجەت شىعىس 24 ترلن-دى قۇرايدى. سوڭعى 10 جىلدا بيۋدجەت شىعىسى 10 ترلن-عا ۇلعايسا, ال كىرىستىڭ ءوسىمى 8 ترلن تەڭگە شاماسىندا.
كىرىستى ۇلعايتۋ ءۇشىن سالىق پەن كەدەندى اكىمشىلەندىرۋ جۇرگىزىلىپ جاتقانىن اتاپ ءوتتى. بيىل 9 كەدەن بەكەتى جوندەلىپ بىتسە, تاۋارلاردىڭ شەكەرادان ءوتۋ قارقىنى وسەدى. ساۋدا اينالىمى ۇلعايسا, وسىنىڭ ەسەبىنەن كىرىس مولشەرىن ارتتىرۋعا بولادى دەگەن سەنىم ءبىلدىردى. ايتا كەتەيىك, جۋىردا عانا قىتايمەن اراداعى كولىك ترانزيتىنە قاتىستى كەلىسىم راتيفيكاتسيالانعان ەدى. وسىلايشا, قازاقستان ارقىلى ترانزيتتىك تاسىمالدى 2-3 ەسەگە ۇلعايتۋدىڭ العىشارتى جاسالدى.
