مادەنيەت سالاسى قىزمەتكەرلەرىنىڭ ايلىعى وسكەن

قازاقستاننىڭ حالىق ءارتىسى – قۇرمەتتى اتاق. مۇنداي مارتەبەنىڭ بەرىلۋى 1999 جىلى توقتاتىلعان ەدى. اراعا شيرەك عاسىرعا جۋىق ۋاقىت سالىپ, بىلتىر ول قايتا تاعايىندالا باستادى. سودان بەرى 8 مادەنيەت قايراتكەرىنە «حالىق ءارتىسى» اتاعى بەرىلدى. راسىندا, بۇل سالاداعى مامانداردىڭ ەڭبەگى ەرەن. ەلىمىزدە 8 مىڭعا جۋىق مادەنيەت, ونەر جانە مۇراعات وشاعى بار. وندا 64 مىڭ ادام جۇمىس ىستەيدى.

سوڭعى ءۇش جىلدا رەسپۋبليكا بويىنشا 700-دەن استام مادەنيەت وشاعى جوندەلىپ, 168 جاڭا نىسان سالىنعان. ال سالاداعى مامانداردىڭ جالاقىسى 45 پايىز وسكەن.