Mádenıet salasy qyzmetkerleriniń aılyǵy ósken

Qazaqstannyń halyq ártisi – qurmetti ataq. Mundaı mártebeniń berilýi 1999 jyly toqtatylǵan edi. Araǵa shırek ǵasyrǵa jýyq ýaqyt salyp, byltyr ol qaıta taǵaıyndala bastady. Sodan beri 8 mádenıet qaıratkerine «Halyq ártisi» ataǵy berildi. Rasynda, bul saladaǵy mamandardyń eńbegi eren. Elimizde 8 myńǵa jýyq mádenıet, óner jáne muraǵat oshaǵy bar. Onda 64 myń adam jumys isteıdi.

Sońǵy úsh jylda respýblıka boıynsha 700-den astam mádenıet oshaǵy jóndelip, 168 jańa nysan salynǵan. Al saladaǵy mamandardyń jalaqysy 45 paıyz ósken.