«ماعان سيستەما قۇيىپ جاتىر»: الماتىدا ارىقتايمىن دەپ قازا بولعان مۇعالىم تۋرالى تىڭ دەرەك شىقتى

سۋرەت: ينستاگرام @gulmir_ktk

مارقۇم وتا جاسالعاننان كەيىن بىردەن جاعدايىن ايتىپ, كۇيەۋىنە حابارلاما جازعان. الماتىدا ارىقتايمىن دەپ اجال قۇشقان ۇستاز تۋرالى جاڭا دەرەك پايدا بولدى. ول بۇل كلينيكانى 2-3 جىلدان بەرى قاراپ جۇرگەن, دەپ حابارلايدى KYN.KZ اقپارات اگەنتتىگى.

بۇل تۋرالى مارقۇم قۇرالاي باتىرحانوۆانىڭ ءسىڭلىسى جۋرناليست گۇلميرا ابىقايدىڭ YouTube ارناسىندا بەرگەن سۇحباتىندا ايتتى.

«ءوزى بولمىسىنان تولىق ەدى. جاتىرىنا وپەراتسيا جاسالعاننان كەيىن تاعى تولا باستادى. ءوزى دە كوپ امال-تاسىلدەرىن جاساپ ءجۇردى. كەيىننەن ءىشتى وپەراتسيامەن الماساق, بولماي بارا جاتىر دەگەندەي ايتا باستادى. ەكەۋمىز ينتەرنەت اقتارىپ كلينيكالاردى قاراپ, زەرتتەي باستادىق. تاۋىپ بارعان كلينيكامىز سول ەدى. دارىگەرلەرمەن تانىستىق. باسقا ادامدارعا دا جاسالعان ەكەن, سولاردى وقىدىق. ءوزى قۋانىپ, ءسويتىپ كەلىستىك. بۇل كلينيكاعا ەشقانداي كۇمان بولمادى. كلينيكاعا ماۋسىم ايىنىڭ باسىنان حابارلاسا باستادىق. كەيىننەن كەڭەس الۋعا دارىگەرگە باردىق. «5 كەلىدەي ماي الامىز. ارى قاراي وزىنەن-ءوزى ارىقتاي باستايدى» دەدى دارىگەر. ءبىز سەندىك», – دەيدى مارقۇمنىڭ ءسىڭلىسى ساۋلەت باتىرحان.

مارقۇم وتا جاسالعاننان كەيىن بىردەن جاعدايىن ايتىپ, كۇيەۋىنە حابارلاما جاساعان.

«وتا تاڭعى 7:45 شاماسىندا جاسالعان. وپەراتسيا بىتكەن ۋاقىتتا 12:42-دە پالاتاعا جاتقىزعان. سول ۋاقىتتا كۇيەۋىنە «قايرات, مەن وپەراتسيادان شىقتىم. بىراق ءوز-وزىمە ءالى كەلە الماي جاتىرمىن» دەگەن حات جازعان. سوسىن سيتەمانىڭ سۋرەتىن جىبەرگەن. «مىنا كىسىلەر ماعان سيستەما قۇيىپ جاتىر. بىراق ماعان ەشكىم ەشنارسە ايتىپ جاتقان جوق» دەگەن. سول ۋاقىتتان باستاپ ءۇزىلدى. ءبىز قايتا-قايتا حابارلاستىق, 13:00-دە, 15:00-تە جازدىق. كەشكى ساعات 17:00-دە ءبىز دابىل قاعىپ كلينيكاعا حابارلاستىق. ساعات 20:00-دە اپكەمىزدىڭ تەلەفونىنان دارىگەردەن «جاعدايى اۋىر» دەگەن حات كەلگەن. بارلىعىمىز سول جاقتا جينالدىق. بىزگە ەشتەڭە ايتپادى ءارتۇرلى دياگنوزىن ايتتى. اناليزدەرىن تاپسىرعاندا بارلىعى دۇرىس بولعان. تەك بۇيرەگىندە كيستا بارى انىقتالدى. بىراق ولار وتا جاساۋعا ونىڭ ەشقانداي قاتىسى بولمايدى دەگەن بولاتىن. انىق ەشتەڭە ايتپادى, جەدەل جاردەم ءوزىمىز شاقىردىق. ارى قاراي پوليتسياعا حابارلاستىق», – دەيدى مارقۇمنىڭ ەكىنشى ءسىڭلىسى.

ايتۋىنشا, كلينيكانىڭ اتاۋى باسقا جانە ليتسەنزياسى بولەك بولىپ شىققان. مارقۇم دارىگەرگە قاتتى سەنىپ بارعان ەكەن.