MAGDEBÝRG QALASYNDA QAZAQSTANNYŃ QURMETTI KONSÝLDYǴY AShYLDY

Germanııanyń Magdebýrg qalasynda Qazaqstannyń Qurmetti konsýldyǵy ashyldy,

Bul laýazymǵa Felıks fon Lımbýrg taǵaıyndaldy. Saksonııa-Anhalt jerindegi jańa keńseniń aldynda turǵan mindet-mejeler jaıly tilshi beınematerıalynda. Konsýldyqtyń ashý saltanatyna saıasatkerler men kásipkerler, Germanııadaǵy ózge eldiń dıplomattary qatysty.

Jańa keńseniń maqsaty – Qazaqstanmen Germanııa arasyndaǵy qarym-qatynasty arttyryp, el ekonomıkasyna ınvestıııa tartý. Bul óńirde aýyl sharýashylyǵy, hımııa óndirisi jaqsy damyǵan. Sondaı-aq bilim men týrızm salasyndaǵy baılanystardy bekemdeýge múmkindik mol. Jalpy qazir Qazaqstannyń Germanııada 4 qurmetti konsýldyǵy bar.

Olar Gambýrg, Shtýtgart, Gannover jáne Dortmýndta ornalasqan.  Raıner Robra, Saksonııa-Anhalt aımaǵy úkimeti keńsesiniń basshysy: – Qazaqstan – biz úshin mańyzdy seriktes. Biz ekijaqty baılanystardy odan ári ulǵaıtýǵa múddelimiz. Al elimizge tanymal kásipkerdiń basqarýy jańa konsýldyqtyń jumysyna tyń serpin bererine senimdimiz. Qazaqstan tabıǵı resýrstarǵa baı. Al bizdiń kásipkerler tehnologııalarymen bólisýge daıyn. Krıstıan Vınter, «Euroglas» kompanııasynyń dırektory: – Bul Qurmetti konsýldyq Saksonııa-Anhalt óńiri úshin óte mańyzdy. Saltanatty ashylýǵa túrli sala ókilderiniń kóptep kelip qatysýy soǵan dálel.

Aýyl sharýashylyǵy, shıkizatty óńdeý jáne tamaq ónerkásibinde jańa baılanystar ornatýǵa múmkindik beredi. Budan bólek, óńirimizge gaz ben sýtegi qajet. Ekijaqty qarym-qatynas jandanatynyna senimdimin. Atalǵan aımaqta elimizdiń qurmetti konsýl mindetin 30 jyldan beri kásippen aınalysyp kele jatqan tanymal bıznesmen Felıks fon Lımbýrg atqarady. Onyń kompanııasy qurylys salasynda ınnovaııalyq sheshimderdi júzege asyrady. Kásipker ekijaqty ekonomıkalyq baılanystardy nyǵaıtýmen qatar mádenı-gýmanıatrlyq yntymaqtastyqty keńeıtýge nıetti.   Felıks Lımbýrg, Germanııanyń Saksonııa-Anhalt aımaǵyndaǵy QR Qurmetti konsýly: – Bizdiń federaldyq aımaqta mashına jasaý, jańǵyrtylatyn energııa jáne sýtegi óndirisi jaqsy jolǵa qoıylǵan.

Osy sebepti kásipkerlerimiz Qazaqstanda jańa seriktesterin tez tabady dep oılaımyn. Osy baǵyttaǵy yntymaqtastyqty odan ári damytýǵa kúsh salatyn bolamyn. Taraptar Qurmetti konsýldyqtyń ashylýy ekijaqty qarym-qatynasty bekemdep, jańa múmkindikterge jol ashylaryna senimdi. Bul qadam Qazaq eline qosymsha ınvestıııa men ozyq tehnologııa tartyp, birlesken jobalardy kóbeıtýge mol múmkindik bermek.