جاڭالىقتار
مايقايىڭدا ەكى ەر ادام 13 جانە 15 جاستاعى ەكى بالانى زورلاعان
فوتو: اشىق دەرەككوز
پاۆلودار پوليتسياسى كامەلەتكە تولماعانداردى زورلاۋ فاكتىسى بويىنشا قىلمىستىق ءىس قوزعادى. كۇدىكتىلەر ۇستالىپ, ۋاقىتشا ۇستاۋ ورنىنا قامالدى, دەپ حابارلايدى Skifnews.kz اقپارات پورتالى.
بۇل تۋرالى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتىنەن حابارلادى.
پوليتسيا كامەلەتكە تولماعانداردى زورلاۋ فاكتىسى بويىنشا قىلمىستىق ءىس قوزعادى. كۇدىكتىلەر ۇستالىپ, ۋاقىتشا ۇستاۋ ورنىنا قامالدى. سونداي-اق, كامەلەتكە تولماعان ادامعا قاتىستى جىنىستىق سيپاتتاعى زورلىق-زومبىلىق ارەكەتتەرى دەرەگى بويىنشا تەرگەۋ باستالدى. وقيعانىڭ ءمان-جايى مەن سەبەپتەرى انىقتالىپ جاتىر. تەرگەۋ پاۆلودار وبلىسى پوليتسيا دەپارتامەنتى باسشىلىعىنىڭ ەرەكشە باقىلاۋىندا, — دەپ مالىمدەدى ءباسپاسوز قىزمەتىنەن.
وبلىستىق ءبىلىم بەرۋ باسقارماسىنىڭ دەرەگىنشە, قىز بالا جەرگىلىكتى كوللەدجدەردىڭ بىرىندە وقيدى.
ايتا كەتەيىك, مايقايىڭدا ەكى ەر ادام 13 جانە 15 جاستاعى ەكى بالانى زورلادى دەگەن كۇدىككە ىلىنگەنى تۋرالى حابار تارادى.
