“Mama, aqsha aýdarshy”: alaıaqtar 17 adamdy aldap, 10 mln teńge jymqyrǵan

Foto: ashyq derekkóz

BQO-da polıeıler ózin jábirlenýshilerdiń balasy retinde kórsetip, alaıaqtyqpen aınalysqan topty ustady. Qylmystyq top úsh jigitten quralǵan, – dep habarlaıdy qandastar.kz saıty Polisia.kz materıalyna súıenip.

Qaratóbe polıııa bóliminiń qyzmetkerleri kúdiktilerdiń biri WhatsApp qosymshasy arqyly pedagogterdiń is-sharasyn ótkizý úshin qurylǵan jalpy chatqa kirgenin anyqtady. Chattyń mazmuny men hattardy zerttegennen keıin ol ondaǵy adamdardan aqsha aýdarýdy surap, jekelerine shyqqan. Bul rette kúdikti jábirlenýshilerge ózin solardyń balasy sııaqty tanystyryp, óziniń telefony sónip qalǵanyn jetkizgen.

Kúdiktilerdiń sózine senip jábirlenýshiler karta derekteri men CVV-kodtaryn jibergen. Sodan keıin alaıaqtar qarajatty qolma-qol aqshaǵa almastyrǵan.

Qazirgi ýaqytta alaıaqtyqtyń 17 faktisi boıynsha polıııa tergeý júrgizip jatyr. Aldanǵandar arasynda basqa óńirdiń turǵyndary da bar ekeni anyqtaldy. Keltirilgen zalaldyń jalpy somasy shamamen 10 mıllıon teńgeni quraıdy.

Polıııa azamattardan bógde adamdarmen telefonmen sóılesý kezinde ǵana emes, jalpy chattarda hat almasý kezinde de abaı bolýdy suraıdy.