«Mamandyǵy aǵylshyn tili muǵalimi»: Júk tasıtyn astanalyq qyzdyń aılyq tabysy 1 mıllıon teńgeden asady

Foto: skrın

Astanalyq arý Áıgerim Serik 5 tonnalyq júk kóligin aıdap, adal eńbek etip, kóptiń kóńilinen shyǵyp júr. Kólik aıdap, júk tasyp, kásibin dóńgeletip otyrǵan qyz tehnıkany 10 jasynan bastap meńgergen. Bul týraly qandastar.kz aqparat agenttigi “Eýrazııa” arnasyna silteme jasap habarlaıdy.

“Kólikke qyzyǵýshylyq tanytýyma ákem sebepker boldy. Ákem – traktarıst. Alǵashqy kóligimdi 18 jasymda aldym. Kórgen adamdardyń bári “qyz balaǵa mehanıka qıyn emes pe?” dep suraıdy. Júk kóligin alǵan soń adamdardyń qyzǵýshylyǵy da, maǵan qoıar suraqtary da odan beter artty. Tanymal bola bastadym”, – deıdi Áıgerim Serik.

Áıgerimniń aılyq tabysy 1 mıllıon teńgeden asady. Aıtýynsha, kúnine 4-5 tapsyrys alyp, kóligimen júk tasıdy. Júk tasý qyzmetine suranys kún saıyn artyp keledi.

“Áıgerimmen jumys istep júrgenimizge 4-5 aı bolyp qaldy. О́te jaqsy qyz. Aıtqan ýaqytta keledi, tapsyrysty ýaqytynda jetkizedi. Qosshyǵa deıin aparady, Qoıandyǵa deıin aparǵan kezderi boldy”, – deıdi qala turǵyny Nursultan Qosekenov.

Astanalyq arýdyń negizgi mamandyǵy – aǵylshyn tili pániniń muǵalimi. Tipti akterlik bilimi de bar. Alaıda Áıgerim dıplommen jumys isteýden kóri, bolashaǵyn kólikpen baılanystyrǵandy jón kóripti.

“Aldaǵy ýaqytta basqa elderden tehnıkalar alyp kelemin. Qazaqstandyqtardy túrli tehnıkalarmen qamtamasyz etý. Júk kóligi, traktor, sý tasıtyn kólik sekildi qurylysqa kerekti kólikterdi alý kelý oıda bar. Buǵan deıin Dýbaıdan mashına, kóliktiń bólshekterin tasyǵanmyn.

Áıgerim Serik kólikti jóndep qana qoımaı, jóndeı de biledi. Odan bólek attyń qulaǵynda oınaıtyn óneri de bar. Astanalyq arý tipti áleýmettik jelide de tanymal.