ماڭعىستاۋ وبلىسىندا قوزى كوتەرگەن ءبۇلدىرشىن جۇرتتى ءسۇيسىنتتى

فوتو:سكرين

ول كوكتەمگى ءتول قوزىنى 35 رەت كوتەرىپ, ءبىرىنشى ورىن العان.

ماڭعىستاۋ وبلىسى تاۋشىق اۋىلىنداعى ناۋرىز مەرەكەسى ەرەكشە تويلاندى. بالاباقشا اكىمشىلىگى بۇلدىرشىندەر اراسىندا ارقان تارتىس, اسىق اتۋ, قوزى كوتەرۋ سەكىلدى ۇلتتىق ويىنداردان جارىس ۇيىمداستىرعان. كىشكەنتاي بالاقايلاردىڭ مەرەكەسى تارتىستى ءوتتى, دەپ حابارلادى qandastar.kz سايتى «كتك» تەلەارناسىنا سىلتەمە جاساپ.سانجار ەسىمدى بەس جاسار بالاقايدىڭ قوزى كوتەرىپ جاتقان ءساتى كوپشىلىكتى ءسۇيسىنتتى. ول كوكتەمگى ءتول قوزىنى 35 رەت كوتەرىپ, ءبىرىنشى ورىن العان.

بوبەكجايداعى ء«از-ناۋرىز» مەرەكەلىك ءىس-شاراسىنا بالدىرعانداردىڭ اتا-انالارى, بالاباقشا ۇجىمى قاتىسقان. اۋلادا قازان اسىلىپ, ناۋرىز كوجە ءپىسىرىلىپ, ۇلتتىق سالت-ءداستۇر ناسيحاتتالىپتى.

تاربيەشىلەردىڭ ايتۋىنشا, قوزى كوتەرۋ ۇلتتىق وينىن ۇيىمداستىرۋداعى ماقساتى – بۇلدىرشىندەردى ەپتىلىككە باۋلىپ, ۇلتتىق قۇندىلىقتاردى بويىنا ءسىڭىرۋ.

«بالالارعا قازاقتىڭ ۇلتتىق ويىندارىن, ارقان تارتىس, اسىق اتۋ, قوزى كوتەرۋدى ويناتتىق. قوزى كوتەرۋدە بەس جاسار سانجار قوزىنى 35 رەت كوتەرىپ, ويىننىڭ ءمانىن دە, ءسانىن دە كەلتىردى», — دەيدى بالاباقشا مەڭگەرۋشىسى ينديرا الىشباەۆا.