Mańǵystaýda 100 muǵalim kóshbasshylyq daǵdysyn qalyptastyrdy

Mańǵystaý oblysynda «Jas maman» jobasy iske asyp jatyr. Joba aıasynda óńirdiń túkpir-túkpirinen jınalǵan 100 jas maman kóshbasshylyq daǵdylaryn qalyptastyryp, konkýrstyq joba jazýdy, oratorlyq sheberlikti meńgerdi.

Jas muǵalimderdi oqytýǵa Bolashaq halyqaralyq baǵdarlamalar ortalyǵynyń stıpendıaty, PhD doktorant, pedagog-trener Saıat Ibraımov keldi. Onyń aıtýynsha, sońǵy ýaqytta elde pedagogtardyń dárejesin kóterý máselesi jıi qozǵaldy. Osy oraıda pedagogtyń úsh ortasy, atap aıtqanda, balamen, ata-anamen jumys isteýi jáne áriptesteriniń ortasynda ózin ustaýyna kóńil bólindi. Sondyqtan oqytý barysynda pedegog-trener «Kóshbasshy ımıdji» taqyrybyn jan jaqty túsindirip, muǵalimderge teorııalyq bilim berip, praktıkalyq tapsyrmalar oryndaldy.

«Buǵan deıingi pedagogıka balany jetekteý bolsa, búgingi kúni balamen birge damý kerek. Bala mektepte baqytty bolýy, ıaǵnı qarym-qatynasty, eńbektenýdi, úırenýdi úırený, daǵdy qalyptastyrýy mańyzdy. Biz buryn tek óz pánimizdi ǵana biletin bolsaq, HHI ǵasyrda daǵdy ıgerýdi, AKT, medıa daǵdylaryn meńgerip, kúndelikti damýy qajet», — dedi Saıat Ibraımov.

Sondaı-aq oqytý barysynda muǵalimder «Samga Academy» tulǵalyq damý ortalyǵynyń dırektory, sertıfıkattalǵan koých ICU, bıznes-trener Bıbigúl Shaıhıevanyń
«Grant. Konkýrs. Joba» taqyrybyndaǵy oqytýyna qatysty.

Úsh kúndik oqytý barysynda jas mamandar ıdeıa tabý jáne sol ıdeıany iske asyrý maqsatynda granttyq konkýrsqa joba jazýdyń tıimdi joldaryn meńgerdi. Sonymen qatar toptyq jumystyń mańyzdylyǵyn túsinip, qazirgi zaman tendenııalarymen tanysty.

«Oqytý joǵary deńgeıde ótip jatyr. Alǵashqy kúni oqýshylarmen jumys isteýde, olardy tyńdatýda eskeriletin qaǵıdalarmen tanystyq. Al ekinshi kúni granttar jaıly tolyǵyraq aqparat alyp, sonyń aıasynda qoǵamnyń oń ózgerisine yqpal ete alatynymyzdy túsindik. О́zim bıyldan bastap ustaz retinde eńbek jolymdy bastadym. Sondyqtan osy oqytýdyń arqasynda kóptegen tájirıbe aldym. Aldaǵy ýaqytta nátıjesin kóremin degen oıdamyn», — deıdi Mańǵystaý aýdany Tobanııaz mektebiniń aǵylshyn tili pániniń muǵalimi Nazıra Amangeldiqyzy.

Al oqytýdyń úshinshi kúni qatysýshylar oratorlyq sheberlik boıynsha bilimin shyńdady.

— Oratorlyq sheberlikti meńgerý muǵalim úshin óte mańyzdy. Sebebi oqýshynyń nazaryn bilimge aýdarý úshin, kópshilik aldynda erkin sóılep, oıyn naqtylaýǵa sózben qatar daýystyń yrǵaǵy, tembri, ıntonaııa men ekpindi durys qoıýy kerek, — deıdi N.Jantórın atyndaǵy mýzykalyq- drama teatrynyń rejısseri, «JasART» jastar teratyrynyń dırektory, oratorlyq, akterlik kýrsynyń tálimgeri Álııa Isaeva.

Aıta keteıik, oqytý «Jas maman» jobasy aıasynda ótkizilip jatyr. Jobany «Jeti jurt» qoǵamdyq birlestigi Mańǵystaý oblysynyń bilim basqarmasynyń tapsyrysy negizinde «Azamattyq bastamalardy qoldaý ortalyǵy» KeAQ birlese uıymdastyrýda. Negizgi maqsaty – bilikti pedagog mamandardy daıarlaýda halyqaralyq tájirıbeni engizý, jas mamandardy basqarýdyń zamanaýı tehnologııalaryna oqytý.