جاڭالىقتار
ماڭعىستاۋدا 16 بالادان ا گەپاتيتى انىقتالدى
فوتو: ampravda.ru
ماڭعىستاۋ وڭىرلىك سانيتاريالىق-ەپيدەميولوگيالىق باقىلاۋ دەپارتامەنتى ءبولىمىنىڭ باسشىسى گۇلشات شورباسوۆا جىل باسىنان بەرى ا گەپاتيتىنىڭ 20 جاعدايى تىركەلگەنىن مالىمدەدى, دەپ جازدى qandastar.kz
بۇل تۋرالى Stan.kzاقپارات اگەنتتىگى حابارلايدى.
گۇلشات شورباسوۆانىڭ ايتۋىنشا, اۋرۋ كورسەتكىشى وتكەن جىلدىڭ وسى كەزەڭىمەن سالىستىرعاندا تومەندەگەن.
2024 جىلدىڭ العاشقى ءۇش ايىندا وڭىردە 29 ادامنان ا گەپاتيتى انىقتالعان, ونىڭ 16-سى بالالار.
گۇلشات شورباسوۆانىڭ سوزىنشە, كوبىنەسە بۇل اۋرۋ 14 جاسقا دەيىنگى بالالار اراسىندا ءجيى كەزدەسەدى. اۋرۋ دەرەكتەرى بارلىق قالا مەن اۋدانداردا تىركەلگەن, تەك بەينەۋ اۋدانىنان باسقا.
«قاراقيا اۋدانىندا 10 بالا اۋىرعان. جاڭاوزەندە 3 بالا, ال ماڭعىستاۋ, مۇنايلى جانە تۇپقاراعان اۋداندارىندا ءبىر-ءبىر جاعدايدان تىركەلدى, – دەدى مامان.
سونداي-اق دارىگەر سىرقاتتانعان بالالاردىڭ جارتىسى ۆاكتسينا الماعانىن اتاپ ءوتتى.
«ا گەپاتيتىنەن قورعانۋدىڭ ەڭ ءتيىمدى جولى — الدىن الا ۆاكتسينا سالدىرۋ. ەكى جاسقا تولعان بالالار مەن بۇعان دەيىن ەكپە الماعان 14 جاسقا دەيىنگى بالالار يممۋنداۋعا جاتادى. قىتايدىڭ «حەولايف» ۆاكتسيناسى ەكى كەزەڭنەن تۇرادى: العاشقىسى مەن ەكىنشىسى اراسىندا التى اي ءۇزىلىس بولادى. جىل سايىن ماڭعىستاۋ وبلىسىندا 18 مىڭ بالاعا ۆاكتسينا سالىنادى, – دەپ قوستى دارىگەر.
ەسكە سالايىق, ەلىمىزدە جاتىر موينى وبىرىنىڭ نەگىزگى قوزدىرعىشى بولىپ سانالاتىن ادامنىڭ پاپيللوما ۆيرۋسىنا قارسى ۆاكتسيناتسيا قىزدارعا عانا سالىنىپ جاتقانىن جازدىق. ەندى بۇل ۆاكتسيناتسيا ەر بالالارعا سالىنۋى مۇمكىن
