ماڭعىستاۋدا مۇنايعا باتقان ەرەكشە قۇستىڭ ۆيدەوسى تارادى

فوتو: سكرين

جەلىدە ماڭعىستاۋ وبلىسى جاڭاوزەن قالاسى ماڭىندا مۇنايعا بىلعانعان ەرەكشە قۇستىڭ ۆيدەوسى پايدا بولدى, دەپ حابارلادى qandastar.kz سايتى Lada.kz سايتىنا سىلتەمە جاساپ.

قۇس جاڭاوزەندەگى مۇناي كاسىپشىلىگىنىڭ ماڭىندا بولعان. جۇمىسشىلاردىڭ ءبىرى قۇستىڭ تۇمسىعىن شۇبەرەكپەن تازالاماق بولدى.

«ECOJER» قاۋىمداستىعىنىڭ وبلىستىق ەكولوگيالىق كەڭەسىنىڭ توراعاسى جانە ەكولوگيا جانە تابيعي رەسۋرستار مينيسترلىگى جانىنداعى قوعامدىق كەڭەستىڭ مۇشەسى ادىلبەك قوزىباقوۆ قۇستىڭ ۇلكەن اششى اۋپىلدەك نەمەسە سارى قۇتانعا ۇقسايتىنىن ءمالىم ەتتى. ال جەلى قولدانۋشىلارى «وقپان» قۇس دەپ تۇجىرىمداپ جاتىر.

«مازۋتپەن نەمەسە مۇنايمەن لاستانعاندىقتان, ءتۇرىن ءدال انىقتاۋ قيىن», – دەپ اتاپ ءوتتى ادىلبەك قوزىباقوۆ.

ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى ازىرگە جاعدايعا پىكىر بىلدىرمەدى.