مارقۇم شەرزاتتىڭ اكەسى قىلمىسكەرلەر بەرگەن وتەماقىنى قايدا جۇمسايتىنى ايتتى

قارجاۋباي نۇرىموۆ قىلمىسكەرلەر بەرگەن وتەماقىنى بالالار ۇيىنە بەرەتىن بولدى. بۇل تۋرالى زاڭگەر مەيىرمان شەكەەۆ ايتتى, دەپ حابارلايدى Qandastar.kz اقپارات پورتالى.

ونىڭ ايتۋىنشا, قارجاۋباي ءاۋ باستان قانداي دا ءبىر قارجىلاي وتەماقىعا قىزىقپاعان.

«قارجاۋباي ادال ازامات. ماعان كەلگەندە «مەنىڭ شەرزاتىمدى قارالاماسا بولدى» دەدى. بۇل قىلمىسكەرلەردىڭ تۇرمەدە وتىراتىنىنا كۇمانىم بار, بىراق مەنىڭ بالامدى قارالاماسىنشى, مەنىڭ امانىم سول دەدى. قارجاۋباي اقشا جينادى, «سبور» اشتى دەگەن اڭگىمە شىقتى. ونىڭ ءبارى شىندىققا جاناسپايدى», — دەدى ادۆوكات.

ونىڭ ايتۋىنشا قارجاۋباي قىلمىسكەرلەردەن ءبىر تيىن سۇراعان ەمەس.

«ازاماتتىق تالاپ قويعان كەزدە بىردەن باس تارتتى. سودان كەيىن مەن شارتتى جازاعا شىعىپ كەتپەۋ ءۇشىن وتەماقى تالاپ ەتۋ كەرەك ەكەنىن تۇسىندىرگەننەن كەيىن عانا سولاي ىستەدى. ونىڭ وزىندە اقشا تۇسەتىن بولسا, ونى بالالار ۇيىنە اۋدارامىن دەدى», — دەيدى ادۆوكات.