Marqum Sherzattyń ákesi qylmyskerler bergen ótemaqyny qaıda jumsaıtyny aıtty

Qarjaýbaı Nurymov qylmyskerler bergen ótemaqyny balalar úıine beretin boldy. Bul týraly zańger Meıirman Shekeev aıtty, dep habarlaıdy Qandastar.kz aqparat portaly.

Onyń aıtýynsha, Qarjaýbaı áý bastan qandaı da bir qarjylaı ótemaqyǵa qyzyqpaǵan.

«Qarjaýbaı adal azamat. Maǵan kelgende «meniń Sherzatymdy qaralamasa boldy» dedi. Bul qylmyskerlerdiń túrmede otyratynyna kúmánim bar, biraq meniń balamdy qaralamasynshy, meniń amanym sol dedi. Qarjaýbaı aqsha jınady, «sbor» ashty degen áńgime shyqty. Onyń bári shyndyqqa janaspaıdy», — dedi advokat.

Onyń aıtýynsha Qarjaýbaı qylmyskerlerden bir tıyn suraǵan emes.

«Azamattyq talap qoıǵan kezde birden bas tartty. Sodan keıin men shartty jazaǵa shyǵyp ketpeý úshin ótemaqy talap etý kerek ekenin túsindirgennen keıin ǵana solaı istedi. Onyń ózinde aqsha túsetin bolsa, ony balalar úıine aýdaramyn dedi», — deıdi advokat.