جاڭالىقتار
ءماسىموۆتىڭ بۇرىنعى ورىنباسارى ەرعوجين تاعى ەكى باپ بويىنشا كۇدىككە ءىلىندى
فوتو: اشىق دەرەككوز
كارىم ءماسىموۆتىڭ بۇرىنعى ورىنباسارى داۋلەت ەرعوجين قىلمىستىق كودەكستىڭ تاعى ەكى بابى بويىنشا كۇدىكتى دەپ تانىلدى. بۇل تۋرالى Stan.kz اقپارات اگەنتتىگى حابارلايدى.
«د.ەرعوجينگە قاتىستى تاعى «قىلمىستىق جولمەن الىنعان اقشانى جانە وزگە دە م ۇلىكتى زاڭداستىرۋ» جانە «اسا ءىرى كولەمدە پارا الۋ» بويىنشا قىلمىستىق ءىس قوزعالدى”, – دەپ حابارلادى ۇلتتىق قاۋىپسىزدىك كوميتەتىنىڭ ءباسپاسوز قىزمەتى.
قازاقستان رەسپۋبليكاسى قىلمىستىق-پروتسەستىك كودەكسىنە سايكەس سوتقا دەيىنگى تەرگەپ-تەكسەرۋ مالىمەتتەرى جاريا ەتىلۋگە جاتپايدى
بۇعان دەيىن جەلىدە ەرعوجينگە قازاقستاندىقتاردىڭ قۇپيا دەرەكتەرىنىڭ قىتايلىق GitHub سەرۆيستەرىنە تارالۋىنا قاتىستى ءىس بويىنشا كۇدىككە ىلىنگەنىن حابارلاعان بولاتىن.
ەسكە سالايىق, 2023 جىلدىڭ 24 ساۋىرىندە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ك.ءماسىموۆ پەن ونىڭ بۇرىنعى ورىنباسارلارىنا قاتىستى ۇكىم جاريالانعان بولاتىن. د.ەرعوجين بيلىكتى كۇش قولدانۋ ارقىلى باسىپ الۋ, بيلىكتى جانە لاۋازىمدىق وكىلەتتىكتەردى اسىرا پايدالانۋ بويىنشا كىنالى دەپ تانىلدى. ول مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ, 15 جىلعا باس بوستاندىعىنان ايىرىلعان.
