Másimovtiń burynǵy orynbasary Erǵojın taǵy eki bap boıynsha kúdikke ilindi

Foto: ashyq derekkóz

Kárim Másimovtiń burynǵy orynbasary Dáýlet Erǵojın Qylmystyq kodekstiń taǵy eki baby boıynsha kúdikti dep tanyldy. Bul týraly Stan.kz aqparat agenttigi habarlaıdy.

«D.Erǵojınge qatysty taǵy «Qylmystyq jolmen alynǵan aqshany jáne ózge de múlikti zańdastyrý» jáne «Asa iri kólemde para alý» boıynsha qylmystyq is qozǵaldy”, – dep habarlady Ulttyq qaýipsizdik komıtetiniń baspasóz qyzmeti.

Qazaqstan Respýblıkasy qylmystyq-proestik kodeksine sáıkes sotqa deıingi tergep-tekserý málimetteri jarııa etilýge ​​jatpaıdy

Buǵan deıin jelide Erǵojınge qazaqstandyqtardyń qupııa derekteriniń qytaılyq GitHub servısterine taralýyna qatysty is boıynsha kúdikke ilingenin habarlaǵan bolatyn.

Eske salaıyq, 2023 jyldyń 24 sáýirinde Astana qalasynyń qylmystyq ister jónindegi mamandandyrylǵan aýdanaralyq sotynda K.Másimov pen onyń burynǵy orynbasarlaryna qatysty úkim jarııalanǵan bolatyn. D.Erǵojın bılikti kúsh qoldaný arqyly basyp alý, bılikti jáne laýazymdyq ókilettikterdi asyra paıdalaný boıynsha kináli dep tanyldy. Ol memlekettik qyzmette laýazymdardy atqarý quqyǵynan ómir boıyna aıyra otyryp, 15 jylǵa bas bostandyǵynan aıyrylǵan.