«ماسقارا». توقاەۆ ناسىبايعا قۇمارلار تۋرالى ايتتى

پرەزيدەنت قاسىم-جومارت توقاەۆ ناسىباي اتقاندار قىلمىستىق جاۋاپقا تارتىلۋى مۇمكىن ەكەنىن مالىمدەدى

«دەنساۋلىققا زيان ءارى ۇيات ادەتتىڭ ءبىرى – ناسىباي اتۋ. ونىڭ قالاي جاساسالاتىنى بەلگىلى.

ەشقانداي سانيتارلىق تالاپ ساقتالمايدى. قۇرامىندا ءتۇرلى دەرتتى, ونىڭ ىشىندە ونكولوگيالىق اۋرۋلاردى قوزدىراتىن زاتتار بار. ناسىبايدى وندىرۋگە جانە تاراتۋعا 2015 جىلى تىيىم سالىنعان. بىراق ءالى كۇنگە دەيىن كوشەدە, ءتىپتى ازىق-ت ۇلىك دۇكەندەرىندە اشىق ساتىلىپ جاتىر.

قۇقىق قورعاۋ مەكەمەلەرى ەشقانداي شارا قولدانىپ جاتقان جوق. قازىر – 21 عاسىر, جوعارى تەحنولوگيا مەن جاساندى ينتەللەكتى قارقىندى دامىعان زامان. ال ءبىزدىڭ ازاماتتارىمىز اۋزىنا ناسىباي سالىپ, قاقىرىپ تۇكىرىپ جۇرەدى.

بۇل نە دەگەن ماسقارا. وسى جاعىمسىز قىلىقتى اتا ءداستۇرى سانايدى.

شىن مانىندە بۇل بارىپ تۇرعان مادەنيەتسىزدىك. ونى توقتاتۋ كەرەك. جالپى ناسىباي ءوندىرىپ, تاراتقانى ءۇشىن زاڭ جۇزىندە بەلگىلەنگەن جاۋاپكەرشىلىك تىم تومەن. قازىر وسىعان قاتىستى زاڭدارعا تۇزەتۋ ەنگىزۋ ماسەلەسى قاراستىرىلىپ جاتىر.

وندا ۆەيپ قانا ەمەس, ناسىباي تاراتقان ءۇشىن دە قىلمىستىق جاۋاپكەرشىلىككە تارتۋ كوزدەلگەن. بۇل قادام ناسىبايعا تولىق تىيىم سالۋعا مۇمكىندىك بەرەدى», — دەدى مەملەكەت باسشىسى.