«Masqara». Toqaev nasybaıǵa qumarlar týraly aıtty

Prezıdent Qasym-Jomart Toqaev nasybaı atqandar qylmystyq jaýapqa tartylýy múmkin ekenin málimdedi

«Densaýlyqqa zııan ári uıat ádettiń biri – nasybaı atý. Onyń qalaı jasasalatyny belgili.

Eshqandaı sanıtarlyq talap saqtalmaıdy. Quramynda túrli dertti, onyń ishinde onkologııalyq aýrýlardy qozdyratyn zattar bar. Nasybaıdy óndirýge jáne taratýǵa 2015 jyly tyıym salynǵan. Biraq áli kúnge deıin kóshede, tipti azyq-túlik dúkenderinde ashyq satylyp jatyr.

Quqyq qorǵaý mekemeleri eshqandaı shara qoldanyp jatqan joq. Qazir – 21 ǵasyr, joǵary tehnologııa men jasandy ıntellekti qarqyndy damyǵan zaman. Al bizdiń azamattarymyz aýzyna nasybaı salyp, qaqyryp túkirip júredi.

Bul ne degen masqara. Osy jaǵymsyz qylyqty ata dástúri sanaıdy.

Shyn máninde bul baryp turǵan mádenıetsizdik. Ony toqtatý kerek. Jalpy nasybaı óndirip, taratqany úshin zań júzinde belgilengen jaýapkershilik tym tómen. Qazir osyǵan qatysty zańdarǵa túzetý engizý máselesi qarastyrylyp jatyr.

Onda veıp qana emes, nasybaı taratqan úshin de qylmystyq jaýapkershilikke tartý kózdelgen. Bul qadam nasybaıǵa tolyq tyıym salýǵa múmkindik beredi», — dedi Memleket basshysy.