Jańalyqtar
Máslıhat depýtaty sharýa qojalyǵyna bólingen 457 mıllıon teńge sýbsıdııany urlaǵan
![](https://qandastar.kz/wp-content/uploads/2024/04/IMG_5478-2.jpeg)
2020 jyly Asylbek Nurgeldın «K» sharýa qojalyǵynyń basshysy bola tura, agrarlyq nesıe korporaııasyna «G» jaýapkershiligi shekteýli seriktestiginen 1200 bas iri qara malyn satyp alý kelisimshartyn jasap, 780 mıllıon teńge nesıe almaq bolǵan. Shyn máninde onyń mal satyp alý nıeti bolmaǵan
Kepilge iri qara maldy qoıamyn degen, al is júzinde ol mal joq. Depýtatqa 390 mıllıon teńge berilipti. Ol qarjyny týysynyń sharýa qojalyǵynyń esepshotyna aýdarǵan. Osylaısha 290 mıllıon teńge jeke shotqa, al qalǵany «K» shotyna aýdaryldy.
Depýtattyń 2021-2022 jyldar aralyǵynda maly bolmaǵan. Oǵan qosa oblystyq aýyl sharýashylyǵy basqarmasyn jańylystyryp, aýyl sharýashylyǵy maldarynyń asyl tuqymdy malyn bordaqylaý qunyn tómendetýge sýbsıdııa alýǵa jalǵan ótinim bergen.
«Ol aýdarylǵan qarajatty qolma-qol aqshaǵa aınaldyryp, óz qajetine jumsaǵan, sóıtip aýyl sharýashylyǵy bólimine materıaldyq shyǵyn keltirgen», – dedi sot.
Asylbek Nurgeldınge sot úkimi shyqty. Ol qylmystyq kodekstiń 190-baby “Alaıaqtyq” boıynsha 10 jylǵa kommerııalyq uıymdarda uıymdastyrý, ákimshilik jáne materıaldyq-jaýapty fýnkııalardy atqarý quqyǵynan aıyra otyryp, 6 jyl bas bostandyǵynan aıyryldy.