«ماسس-مەديا تۋرالى» زاڭ: اقپارات تاراتۋ سالاسىندا قانداي وزگەرىستەر بولادى?

فوتو: ليتەر.كز

جاڭا زاڭعا «بۇقارالىق اقپارات قۇرالدارى تۋرالى» جانە «تەلەراديو حابارلارىن تاراتۋ تۋرالى» زاڭداردىڭ نەگىزگى ەرەجەلەرى ەندى. اتالعان زاڭدار الداعى ۋاقىتتا كۇشىن جويادى, — دەپ حابارلايدى سكيفنيۋس.كز.

مەملەكەت باسشىسى» ماسس- مەديا  تۋرالى»  جاڭا زاڭعا قول قويدى. جىلعا جۋىق ۋاقىت قوعام مەن بيلىكتىڭ تالقىلاۋىندا بولىپ قابىلدانعان قۇجات اتالعان سالاعا قانداي وزگەرىستەر اكەلۋى مۇمكىن?

زاڭ مەملەكەت باسشىسىنىڭ 2022 جىلعى 16 ناۋرىزداعى «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىندا مەملەكەتتىڭ مۇددەلەرىن, قوعامنىڭ سۇرانىستارىن جانە مەديا سالاسىنىڭ دامۋ ۇردىستەرىن ەسكەرە وتىرىپ, بۇقارالىق اقپارات قۇرالدارى تۋرالى زاڭدى قايتا قاراۋ تۋرالى بەرگەن تاپسىرماسىن ورىنداۋ ماقساتىندا ازىرلەندى.

جاڭا زاڭعا «بۇقارالىق اقپارات قۇرالدارى تۋرالى» جانە «تەلەراديو حابارلارىن تاراتۋ تۋرالى» زاڭداردىڭ نەگىزگى ەرەجەلەرى ەندى. اتالعان زاڭدار الداعى ۋاقىتتا كۇشىن جويادى.

«وزدەرىڭىزگە ءمالىم, جۋىردا مەن «ماسس-مەديا تۋرالى» زاڭعا قول قويدىم. وتە ماڭىزدى قۇجات. جۋرناليستەردىڭ مۇددەسى مەن قۇقىقتارىن قورعاۋ تەتىكتەرى كۇشەيتىلگەن دەپ ايتۋعا بولادى. بۇل قۇجات ەلىمىزدەگى ماسس-مەديانىڭ الەۋەتىن ارتتىرا تۇسەدى دەپ ويلايمىن. سونداي-اق اقپاراتتىق دەربەستىگىمىزدى نىعايتۋعا مۇمكىندىك بەرەدى», — دەدى پرەزيدەنت.