جاڭالىقتار
ء«ماجبۇرلى تۇردە اكەتۋگە قۇقىلى»: قورعانىس مينيسترلىگى اسكەرگە شاقىرىلۋشىلاردى ۇستاپ اكەتۋ جايتتارىن ءتۇسىندىردى
ۆەدومستۆو وكىلدەرى بۇقارالىق اقپارات قۇرالدارى مەن الەۋمەتتىك جەلىلەردە جاستاردى ەركىنەن تىس ۇستاپ الىپ, جەرگىلىكتى اسكەري باسقارۋ ورگاندارعا جەتكىزىپ جاتقان بەينەماتەريالدار تاراپ جاتقانىن اتاپ ءوتتى,-دەپ حابارلايدى Qandastar.kz
وسىعان بايلانىستى قورعانىس مينيسترلىگى اسكەري قىزمەتكە شاقىرۋدىڭ قولدانىستاعى ءتارتىبىن ءتۇسىندىردى. «شاقىرۋ ناۋقاندارى بارىسىندا كەيبىر ازاماتتاردىڭ اسكەري قىزمەتتەن جالتارىپ, جەرگىلىكتى اسكەري باسقارۋ ورگاندارىنا ۋاقتىلى بارماۋ فاكتىلەرى بايقالادى. سونىمەن قاتار اسكەرگە شاقىرۋ جاسىنداعى ازاماتتاردى ەسەپكە الۋدا دا قيىندىقتار تۋىندايدى.
ويتكەنى ولاردىڭ كوبى تىركەلگەن جەرىندە تۇرمايدى, قونىس اۋدارعان جاعدايدا جاڭا تۇرعىلىقتى مەكەنجايىنا تىركەلمەيدى.
قولدانىستاعى زاڭناماعا سايكەس شاقىرۋ قاعازىن اسكەرگە شاقىرىلۋشىنىڭ جەكە وزىنە تاپسىرۋ مۇمكىن بولماعان كەزدە ونىڭ كەلۋىن قامتاماسىز ەتۋ ىشكى ىستەر ورگاندارىنا جۇكتەلەدى. رەيد كەزىندە كەيبىر ازاماتتار ىشكى ىستەر ورگاندارى قىزمەتكەرلەرىنىڭ زاڭدى تالاپتارىنا باعىنباي, قارسىلىق كورسەتىپ جاتادى. مۇنداي جاعدايدا پوليتسيا قىزمەتكەرلەرى ولاردى ءماجبۇرلى تۇردە ۇستاپ, شاقىرۋ پۋنكتىنە جەتكىزۋگە قۇقىلى», – دەلىنگەن ۆەدومستۆو حابارلاماسىندا.
