Májilis depýtattary onlaın nesıelerge tyıym salýdy usyndy

Foto: Pixabay

Májilistiń jalpy otyrysynda depýtat Magerram Magerramov Qazaqstanda kıberqylmys pen jeke málimetterdiń urlanýy jyldan jylǵa artyp kele jatqanyn, odan zardap shegýshiler qatary da ósip jatqanyn, alaıda quzyrly organdar bul rette qaýqarsyz ekenin aıtyp, onlaın nesıelerge tyıym salýdy usyndy, dep jazady qandastar.kz  Dalanews.kz-ke silteme jasap. 

Halyq qalaýlysynyń aıtýynsha, jeke málimetterdiń qaıdan taralyp jatqany áli kúnge deıin anyqtalmaǵandyqtan, qylmyskerler jaýapkershilikten jaltaryp, al qarapaıym halyq almaǵan nesıeni tólep, ıyǵyna aýyr júk artýda.

О́z sózin rastaý úshin depýtat statıstıkany da sóıletti:

• nesıemen baılanysty alaıaqtyq boıynsha 85 qylmystyq istiń 47-sinde sotqa deıingi tergeý sharalary toqtatyldy, al 45 jaǵdaıda quqyq buzýshyny anyqtaý múmkin bolmady.
• tólem kartalaryn paıdalaný arqyly alaıaqtyqqa qatysty 813 qylmystyq is boıynsha 223 tergeý sharalary toqtatyldy, óıtkeni kúdiktilerdi tabý múmkin bolmaǵan.
• 218 jaǵdaıda qylmyskerler Qazaqstannan tys jerlerde bolǵan.

Magerramov mundaı qylmystardyń ashylý kórsetkishi óte tómen deńgeıde qalyp otyrǵanyn basa atap ótti.

«Almaǵan nesıesin bizdiń azamattar nege tóleýi kerek«,degen depýtat alaıaqtyqtyń osy túriniń odan ári órkendeýine jol bermeý úshin elektrondy nesıeleýge tyıym salýdy jáne bankter men memlekettik organdar tarapynan baqylaýdy kúsheıtýdi usyndy.

Magerramov onlaın nesıe berý qyzmetterin toqtatý arqyly ǵana alaıaqtyq áreketterdiń aldyn alyp, jábirlenýshiler sanyn azaıtýǵa bolady dep esepteıdi. Bul usynys qazaqstandyqtardyń aldap-arbaýǵa túspeýi úshin qorǵanys turǵysynda jasalǵan qadam bola alady.