Májilis depýtaty mınıstrlikterdi qysqartyp, eki-úsh mınıstrlikten biriktirýdi usyndy

Foto: t.me/mazhilis_kz

Májilis depýtaty Baqytjan Bazarbek memlekettik organdardyń jumysyna jasandy ıntellektini engizý qajet ekenin aıtty. Onyń aıtýynsha, bul qyzmetkerler sanyn jáne mınıstrlikterdi qysqartýǵa múmkindik beredi, dep jazdy qandastar.kz

Bul týraly Stan.kz aqparat agenttigi habarlaıdy.

Depýtattyń aıtýynsha, memlekettik shyǵystardy qysqartpaǵan jaǵdaıda, qaryz qyspaqqa ala bastaıdy.

«Biz memlekettik qyzmetti ıfrlandyrý aıasynda 2026 jyldan bastap birtindep tolyǵymen memlekettik apparatty qysqartýymyz kerek. Odan úkimet te, barlyǵy qorqady. 2026 jyldan bastap memlekettiń shyǵystaryn qysqartpasaq, bastan asatyn qaryz bizdi qysyp otyrady», – dep málimdedi Baqytjan Bazarbek májilis kýlýarynda.

Onyń pikirinshe, qaryzdy azaıtý máselesin keıbir kompanııalardyń ákimshilik apparattaryn jáne mınıstrlikterdi bir-birine qosý arqyly qysqartý jolymen sheshýge bolady.

«Birtindep «Samuryq-Qazyna» ál-aýqat qory, «Báıterek» ulttyq kompanııalarynyń ákimshilik apparatyn qysqartýymyz kerek. Mınıstrlikterdi qysqartyp, 2-3 mınıstrlikten biriktirýimiz kerek. Halyq sany az Qazaqstan Respýblıkasyna osynshama mınıstrlik qajet emes. Mysaly, sý mınıstrligi men ekologııa mınıstrligin, qarjy mınıstrligi men ulttyq ekonomıka mınıstrligin, ındýstrııa mınıstrligi men ónerkásip jáne qurylys mınıstrligin qosa salýǵa bolady. Ár mınıstrdiń keminde 5-6 orynbasary bar. Ol orynbasarlardyń tórteýin qysqartyp, eki orynbasardy ǵana qaldyrý kerek. Basqasha aıtqanda, shyǵyndardy azaıtýymyz kerek», – deıdi depýtat.