جاڭالىقتار
ءماجىلىستىڭ ەكس-دەپۋتاتى قايتىس بولدى
فوتو: اشىق دەرەككوز
باتىل ساياساتكەر, ناعىز پاتريوت تولەن توقتاسىنوۆ اعامىز ومىردەن وزدى, دەپ حابارلادى Qandastar.kz. بۇل تۋرالى ءوزىنىڭ الەۋمەتتىك پاراقشاسىندا قوعام قايراتكەرى, ەكونوميكا عىلىمدارىنىڭ كانديداتى مۇحتار تايجان حابارلادى.
باتىل ساياساتكەر, ناعىز پاتريوت تولەن توقتاسىنوۆ اعامىز ومىردەن وزدى. يمانى سالامات, جانى ءجانناتتا بولسىن. جاقىندارىنا قايعىرىپ كوڭىل ايتام, – دەپ جازدى ول.
سوڭعى كۇندەرى تولەن توقتاسىنوۆ قاتتى ناۋقاستانىپ جۇرگەن. 9 قازاندا ول 62 جاسقا تولار ەدى.
تولەن توقتاسىنوۆ كوزى تىرىسىندە قر پارلامەنتى ءماجىلىسىنىڭ دەپۋتاتى. ەكولوگيا جانە تابيعاتتى پايدالانۋ كوميتەتىنىڭ مۇشەسى, «ەكولوگيا» دەپۋتاتتىق توبىنىڭ جەتەكشىسى قىزمەتتەرىن اتقاردى. سونداي-اق, قازاقستان كومپارتياسى وك حاتشىسى, شىعىس قازاقستان وبلىستىق ءماسليحاتىنىڭ دەپۋتاتى بولعان. «قازاقستاننىڭ دەموكراتيالىق تاڭداۋى» قوزعالىسىنىڭ قۇرىلتايشىلارىنىڭ ءبىرى بولدى.
