«مەدەۋ» تابيعي پاركىنىڭ جەرلەرى مەملەكەت مەنشىگىنە قايتارىلدى

پروكۋراتۋرا مالىمەتىنشە, ەرەكشە قورعالاتىن تابيعي اۋماقتاردى الىپ جاتقان جەرلەر, جەكە مەنشiكتە بولا المايدى. «الايدا 2020 جىلى تابيعي پارك اۋماعىندا جەكە تۇلعالار اۋدانى 35 گا 10 جەر ۋچاسكەسىنە مەنشىك قۇقىعىن تىركەگەن. بۇعان گورنووكتيابر اۋىل اكiمشiلiگiنiڭ 1994-1997 جىلدارداعى جەر ۋچاسكەلەرiن ءبولۋ تۋرالى شەشiمدەرiنiڭ بار ەكەندىگى جونىندە مۇراعاتتىق انىقتامالار نەگiز بولدى. مۇراعاتتىق انىقتاما قۇقىق بەلگىلەيتىن قۇجات بولىپ تابىلمايتىنىنا قاراماستان, تىركەۋشى ورگان مەنشىك قۇقىعىن زاڭسىز تىركەگەن», – دەلىنگەن حاباردا. الماتى قالاسىنىڭ پروكۋراتۋراسى اتالعان انىقتامالاردى جانە جەر تەلىمدەرىن يەلىكتەن شىعارۋ جونىندەگى كەيىنگى مامىلەلەردى جارامسىز دەپ تانۋ تۋرالى سوتقا جۇگىنگەن. سوت شەشىمىمەن پروكۋروردىڭ تالاپ-ارىزدارى قاناعاتتاندىرىلىپ, «مەدەۋ» تابيعي پاركىنە كاداسترلىق قۇنى 3 ملرد تەڭگە سوماسىنداعى جەر قايتارىلدى. «سونىمەن قاتار سوتقا قاتىسۋدى قامتاماسىز ەتكەن مەدەۋ اۋدانى پروكۋراتۋراسىنىڭ ءوتىنىشحاتى بويىنشا مەنشىك قۇقىعىن تىركەۋ كەزىندە جىبەرىلگەن بۇزۋشىلىقتار ءۇشىن سوت كىنالى تۇلعالاردىڭ جاۋاپتىلىق ماسەلەسىن قاراۋ جونىندە جەكە ۇيعارىمدار شىعاردى», – دەلىنگەن حاباردا.