مەديتسيناعا سالىناتىن سالىق ماسەلەسى ەكىنشى وقىلىمعا دەيىن قايتا تالقىلانباق

فوتو: اشىق دەرەككوز

مەديتسيناعا سالىناتىن سالىق ماسەلەسى ەكىنشى وقىلىمعا دەيىن قايتا تالقىلانباق, دەپ جازدى qandastar.kz

ءماجىلىس سپيكەرى ەرلان قوشانوۆ بۇل شەتىن ماسەلە ەكەنى ەسكەرتتى. دەپۋتاتتار ەگەر سالىق ەنگىزىلسە, قاراپايىم حالىققا سالماق, ءارى ساۋ ۇلتتى قالىپتاستىرۋعا جاسالعان قيانات دەپ ەسەپتەيدى. قوسىمشا سالىق سالانى ورگە باستىرمايدى. بۇدان بىلىكتى ماماندارىمىزدان ايىرىلىپ قالۋ قاۋىپى دە باسىم دەدى. جۇمانعاريننىڭ سوزىنشە, بۇل الاڭدايتىن ماسەلە ەمەس. ويتكەنى حالىق ونسىز دا مەملەكەت ەسەبىنەن ەم الىپ جاتقانىن ايتادى. قوسىلعان قۇن سالىعى اقىلى مەديتسينالىق قىزمەتتەرگە سالىنباق – 10%. ال كەي ءدارى-دارىمەكتەر الەۋمەتتىك تىزىمگە ەنگىزىلىپ, ودان الىم الىنبايدى.

atamekenbusiness_qaz حابارلاعانداي, ول ءتىزىمدى ۇكىمەتتىڭ ءوزى بەكىتپەك. دەپۋتاتتاردىڭ پايىمىنشا, ونكولوگيا مەن ورفاندىق اۋرۋلارعا ارنالعان پرەپاراتتارعا سالىق سالىنبايدى. ال ەپيلەپسيا, پسيحيكالىق بۇزىلىستار, ينسۋلتتان كەيىنگى ەم, نەۆرولوگيالىق دارىلەر الەۋمەتتىك تىزىمگە ەنگىزىلمەگەن. دەمەك جەڭىلدىك جوق. بۇعان دەپۋتاتتار قارسى.