Áleýmet jáne qoǵam
Medıınalyq ortalyq salamyn degen: Almatyda depýtatqa alaıaqtyq jasady degen aıyp taǵyldy
Foto: akzhol.kz
«Aq jol» partııasynyń múshesi, Jambyl oblystyq máslıhatynyń depýtaty Muhanbetaly Shalqarbekovke alaıaqtyq jasady degen aıyp taǵyldy. Bul týraly qandastar.kz Stan.kz aqparat agenttigine silteme jasap habarlaıdy.
Almatydaǵy jer telimderi qatysty alaıaqtyq isi boıynsha aıyptalýshy retinde Jambyl oblystyq máslıhatynyń depýtaty Muhanbetaly Shalqarbekov sotqa tartyldy. Depýtat taǵylǵan aıypty moıyndamaıtynyn aıtty.
Depýtat asfalt-beton ónimderin óndirip, satýmen aınalysatyn «ABZ Aqtas» JShS-niń basshysy. Tergeýshilerdiń aıtýynsha, depýtat ınvestıııalyq joba – medıınalyq pýnkt qurylysy úshin Almaty qalasy Bostandyq aýdanynan jer telimin alý úshin qujattaryn tapsyrǵan.
«2019 jyly Shalqarbekov belgisiz tulǵalar arqyly ınvestıııalyq jobany júzege asyramyn degen jeleýmen jer telimin zańdy aınalyp ótip, alaıaqtyq jolmen kadastrlyq quny boıynsha alýǵa, odan keıin jer telimin jeke menshigine aınaldyryp, paıdalanýǵa bolatynyn bilgen”, – delingen aıyptaý qorytyndysynda.
Tergeýshilerdiń aıtýynsha, medıınalyq pýnkt qurylysy úshin degen sebep tek jer telimin alý shemasy ǵana. Olar eshqandaı medıınalyq pýnkt salýdy josparlanbaǵan, tek 0,0657 gektar jer telimin jalǵa alyp, keıin jekemenshikke ótkizýdi kózdegen.
Qujattarǵa Almaty qalasynyń burynǵy bas sáýletshisi Almashan Ahmedjanov pen qalalyq jer qatynastary basqarmasynyń burynǵy basshysy Ardaq Samambetov qol qoıǵan. Atalmysh jer teliminde basqa maqsattaǵy ǵımarat salynsa da, qujat boıynsha medıınalyq ortalyq dep qabyldanǵan, al keıinnen jer telimin naryqtyq quny 80 mln teńge bola tura, 5,4 mln teńgege satyp alýǵa ruqsat berilgen.
«Shyn máninde, medıınalyq ortalyq salynbaǵan jáne jumys istemeıdi. Samambetov pen Ahmedjanov qyzmet babyn paıdalanyp, Shalqarbekovke jer telimin «ABZ Aqtas» JShS-niń jeke menshigine ótkizýine kómektesken. Keıin Shalqarbekov jer telimin ulynyń atyna aýystyrǵan», – delingen aıyptaý qorytyndysynda.
Almaty sotynda qalanyń burynǵy bas sáýletshisi Almashan Ahmedjanovqa qatysty alty adam: úsh eks-sheneýnik, kásipker, baǵalaýshy jáne depýtattyń isi boıynsha aldyn ala tyńdaý bastaldy.
Eske salsaq, buǵan deıin jer telimine qatysty alaıaqtyq jasaǵan halyqqa qyzmet kórsetý ortalyǵynyń burynǵy qyzmetkerleri sottalǵany týraly jazǵan edik.
