مەديتسينالىق جانجال: دسب باسشىسى «قارا ترانسپلانتولوگياعا» قاتىسى بار دەپ ايىپتالدى

فوتو: اشىق دەرەككوز

الماتى قالالىق كارديولوگيا ورتالىعىنىڭ ەكس ديرەكتورى المات قوداسباەۆقا زاڭ بۇزۋشىلىق جاسادى دەگەن ايىپ تاعىلدى, – دەپ حابارلايدى qandastar.kz پيسما پرەزيدەنتۋ تەلەگرام ارناسىنا سىلتەمە جاساپ.

جاريالانىمدا قوداسباەۆتىڭ ۇستىنەن المالى اۋدانىنىڭ پروكۋراتۋراسىنا شاعىم تۇسكەنى ايتىلادى. دالىرەك ايتقاندا, ەكس ديرەكتور قايتىس بولعان ناۋقاستى «ءتىرى پاتسيەنت» رەتىندە اۋرۋحانادان شىعارعان. ونىڭ ۇستىنە دارىگەرلەر بەلگىسىز سەبەپتەرمەن مايىتكە اۋتوپسيانى ءمايىتحانادا ەمەس, اۋرۋحانادا جاساعان. ال قايتىس بولعان ناۋقاستىڭ تۋىستارى دارىگەرلەر ناۋقاستىڭ مۇشەلەرىنە قول سۇققان بولۋى مۇمكىن دەپ كۇدىكتەنىپ وتىر.

سونىمەن قاتار مەديتسينالىق ساقتاندىرۋ قورىنان وتاعا 2,8 ملن تەڭگە جۇمسالعانى انىقتالدى. قۇجاتتا قايتىس بولعان ناۋقاستى  ۇيىنە شىقتى دەپ كورسەتكەن.

ايتا كەتەيىك, قازىرگى ۋاقىتتا كوداسباەۆ تەگىن تۇرىسبەك ۇلىنا اۋىستىرعان جانە ول الماتى وبلىستىق دەنساۋلىق ساقتاۋ باسقارماسىنىڭ باسشىسى قىزمەتىندە.

ازىرگە ونىڭ تاراپىنان تاعىلعان ايىپقا قاتىستى رەسمي جاۋاپ بەرىلمەدى.